ຕອນ​ເຊົ້າ​ວັນ​ທີ 10 ກັນ​ຍານີ້, ອົງ​ການ​ມໍ​ລະ​ດົກ​ວັດ​ທະ​ນະ​ທຳ​ແຫ່ງ​ຊາດ​ຈີນ​ໄດ້​​ຖະ​ແຫຼງ​ຂ່າວ​ວ່າ: ຊຸດ​ເຄື່ອງ​​ທອງ​ສຳ​ລິດ​ພະ​ຍາເຄີ້​ຟູ້​ແຄວ້ນ​ເຈິ່ງ​ທີ່ຖືກ​ຄົນ​ເອົາໄປ​ຍີ່​ປຸ່ນນັ້ນ ໄດ້​ຖືກ​ຮ້ອງ​ຂໍ​​ແລະ​ນຳ​ເອົາ​ກັບ​ຄືນ​ມາ​ສູ່​ປະ​ເທດ​ຊາດ​ແລ້ວ.

ຂ່າວ​ແຈ້ງວ່າ: ​ຊຸດ​ເຄື່ອງທອງ​ສຳ​ລິດ​​ພະ​ຍາເຄີ້​ຟູ້​ແຄວ້ນ​ເຈິ່ງ ມີ​ທັງ​ໝົດ 8 ອັນ ເຊິ່ງ​ໄດ້​ຮັບ​ການ​ປົກ​ປັກ​ຮັກ​ສາ​ຢ່າງ​ຄົບ​ຖ້ວນ ແລະ​ສະ​ແດງ​ໃຫ້​ເຫັນ​ເຖິງ​​ເອ​ກະ​ລັກ​ຂອງ​ຍຸກ​ທອງ​ສຳ​ລິດ​ໃນ​ໄລ​ຍະ​ຕົ້ນ​ສະ​ໄໝ​ຊຸ່ນ​ຊິ່ວ ແລະ​ສ່ອງ​ແສງ​​ໃຫ້​ເຫັນເຖິງ​ສີ​ມື​ຫຼອມ​ເຄື່ອງ​ທອງ​ສຳ​ລິດ​ທີ່ຍອດ​ຍິ່ງ​ຂອງ​ຈີນ​ໃນສະ​ໄໝ​ບູ​ຮານ.