ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
CRI ໄດ້ອອກບົດວິຈານໃນວັນທີ 16 ຕຸລານີ້ທີ່ພາດຫົວຂໍ້ “ອາເມຣິກາໃຊ້ອຸບາຍຕໍ່ບັນຫາຮົງກົງຈະສ້າງຜົນຮ້າຍຕໍ່ຕົນ ແລະ ຄົນອື່ນ”.
ບົດຄວາມລະບຸວ່າ, ຈີນກ່າວປະນາມຢ່າງຮຸນແຮງ ແລະ ຄັດຄ້ານຢ່າງເດັດດ່ຽວຕໍ່ສະພາຕ່ຳອາເມຣິກາທີ່ຜ່ານການຮັບຮອງ “ກົດໝາຍວ່າດ້ວຍສິດທິມະນຸດ ແລະ ປະຊາທິປະໄຕຮົງກົງປີ 2019” ທີ່ສະເໜີໂດຍສະມາຊິກສະພາຕ່ຳຈຳນວນໜຶ່ງ. ຖ້າກົດໝາຍທີ່ກ່ຽວຂ້ອງມີຜົນບັງຄັບໃຊ້ໃນທີ່ສຸດ ບໍ່ພຽງແຕ່ຈະເປັນການທຳລາຍການພົວພັນຈີນ-ອາເມຣິກາ ແລະ ທຳລາຍສະຖຽນລະພາບແລະຄວາມຈະເລີນຮຸ່ງເຮືອງຂອງຮົງກົງເທົ່ານັ້ນ, ຫາກຍັງຈະເປັນການທຳລາຍຜົນປະໂຫຍດຂອງອາເມຣິກາເອງເຊັ່ນດຽວກັນ.
ບົດຄວາມລະບຸຕື່ມວ່າ, ວຽກງານຮົງກົງເປັນວຽກງານພາຍໃນຂອງຈີນລ້ວນໆ. ສະພາຕ່ຳອາເມຣິກາດື້ດຶ້ງຜ່ານກົດໝາຍທີ່ກ່ຽວຂ້ອງກັບບັນຫາຮົງກົງ. ແນ່ນອນແມ່ນຂັດກັບຫຼັກການໃນເວລາສ້າງຕັ້ງສາຍພົວພັນທາງການທູດລະຫວ່າງຈີນກັບອາເມຣິກາ ເຊິ່ງຈະກະທົບກະເທືອນເຖິງການພົວພັນລະຫວ່າງສອງປະເທດຢ່າງຮ້າຍແຮງ. ຄົນອາເມຣິກາຈຳນວນໜຶ່ງແຊກແຊງວຽກງານຮົງກົງ, ທີ່ຈິງແລ້ວ, ບໍ່ແມ່ນເພື່ອຮົງກົງ, ຫາກແມ່ນສວຍໃຊ້ໂອກາດນີ້ ເພື່ອກີດຂວາງການພັດທະນາຂອງຈີນ.
ບົດຄວາມຂຽນຕື່ມວ່າ, ໃນຖານະເປັນໜຶ່ງໃນຄູ່ການຄ້າສຳຄັນຢູ່ອາຊີຂອງອາເມຣິກາ, ການສ້າງຄວາມວຸ້ນວາຍຢູ່ຮົງກົງ ຈະບໍ່ມີຜົນດີຕໍ່ອາເມຣິກາ. ຮົງກົງເປັນພາກສ່ວນໜຶ່ງຂອງຈີນ, ຄົນອາເມຣິກາຈຳນວນໜຶ່ງຄວນຮັບຮູ້ທ່ວງທ່າປະຫວັດສາດຢ່າງຈະແຈ້ງ, ຄວນຢຸດຕິການຊຸກຍູ້ຍັດຕິທີ່ກ່ຽວຂ້ອງໃນທັນທີ ແລະ ຢຸດຕິການແຊກແຊງວຽກງານຂອງຮົງກົງໃນທັນທີ.
ຄຳເຫັນ
0