ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 6 ພະຈິກນີ້ຕາມເວລາທ້ອງຖິ່ນ, ທ່ານອາດາມ ຊີຟ, ຫົວໜ້າຄະນະກຳມາທິການຂ່າວລັບຂອງສະພາຕ່ຳອາເມຣິກາປະກາດທາງສື່ອອນໄລວ່າ: ອາທິດໜ້າ ຈະໄຂກອງປະຊຸມຮັບຟັງຄຳໃຫ້ການຢ່າງເປີດເຜີຍກ່ຽວກັບການສືບສວນເພື່ອຖອດຖອນປະທານາທິບໍດີ.
ທ່ານອາດາມ ຊີຟກ່າວວ່າ, ການຈັດກອງປະຊຸມຮັບຟັງຄຳໃຫ້ການແມ່ນເພື່ອໃຫ້ໂອກາດແກ່ມວນຊົນອາເມລິກາໄດ້ພິຈາລະນາເລື່ອງດັ່ງກ່າວດ້ວຍຕົນເອງ. ວ່າຄຳໃຫ້ການຂອງຜູ້ໃຫ້ຫຼັກການຖືກຕ້ອງກັບຄວາມຈິງຫຼືບໍແລະປະທານາທິບໍດີໄດ້ທຳຜິດຫຼືບໍ。
ທ່ານອາເດມ ຊີຟກ່າວວ່າ: ມາເຖິງປັດຈຸບັນ, ຜູ້ໃຫ້ຫຼັກຖານ 3 ຄົນໄດ້ຢືນຢັນແລ້ວວ່າຈະເຂົ້າຮ່ວມກອງປະຊຸມ.
ວັນທີ 24 ກັນຍາທີ່ຜ່ານມາ, ທ່ານນາງ ນານຊີ ເປໂລຊີ, ປະທານສະພາຕ່ຳຂອງອາເມຣິກາປະກາດວ່າ, ເລີ່ມດຳເນີນຂັ້ນຕອນການສືບສວນເພື່ອຖອດຖອນປະທານາທິບໍດີ. ວັນທີ 31 ຕຸລາແລ້ວນີ້, ສະພາຕ່ຳໄດ້ລົງຄະແນນສຽງ ຮັບຮອງມະຕິວ່າດ້ວຍຂັ້ນຕອນການສືບສວນເພື່ອຖອດຖອນປະທານາທິບໍດີ, ໂດຍໄດ້ອະນຸມັດຢ່າງເປັນທາງການໃຫ້ຈັດກອງປະຊຸມຮັບຟັງຄຳໃຫ້ການກ່ຽວກັບການສືບສວນເພື່ອຖອດຖອນປະທານາທິບໍດີ.
ຄຳເຫັນ
0