ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ພະຈິກນີ້ ຕາມເວລາທ້ອງຖິ່ນ,ທ່ານກີຣີອາໂກສ ມິດໂຊຕາກີສ ນາຍົກລັດຖະມົນຕີເກຼັກພ້ອມພັນລະຍາໄດ້ເປັນເພື່ອນພາທາງ, ທ່ານສີຈີ້ນຜິງ ປະທານປະເທດຈີນ ແລະ ພັນລະຍາ ນາງເພີງລີ້ຢວນເດີນທາງໄປທັດສະນະຈອນໂຄງການທ່າກຳປັ່ນປີຣາອຸຍສຂອງກຸ່ມບໍລິສັດຂົນສົ່ງດ້ວຍເຮືອ cosco.
ທ່ານສີຈີ້ນຜິງກ່າວວ່າ, ໂຄງການທ່າກຳປັ່ນປີຣາອຸຍສແມ່ນແບບຢ່າງແຫ່ງຜົນສຳເລັດຂອງການຮ່ວມມືລະຫວ່າງບໍລິສັດເຂັ້ມແຂງຂອງຈີນ-ເກຼັກທີ່ຊ່ວຍຊູຍູ້ໜູນກັນ ແລະ ຕ່າງຝ່າຍຕ່າງໄດ້ຮັບຜົນປະໂຫຍດ. ຂ້າພະເຈົ້າເຊື່ອວ່າ, ທ່າກຳປັ່ນແຫ່ງນີ້ຈະມີອະນາຄົດສະຫວ່າງສະໄຫວ, ໝາກຜົນຂອງການຮ່ວມມືຍ່ອມຈະສ້າງຜົນປະໂຫຍດໃຫ້ແກ່ປະຊາຊົນຂອງສອງປະເທດ ກໍຄືພາກພື້ນຢ່າງບໍ່ຢຸດຢັ້ງ.
ທ່ານມິດໂຊຕາກີສກ່າວວ່າ, ຄວາມເປັນຈິງໄດ້ພິສູດໃຫ້ເຫັນວ່າ, ໂຄງການທ່າກຳປັ່ນປີຣາອຸຍສເປັນໂຄງການທີ່ຕ່າງຝ່າຍຕ່າງໄດ້ຮັບຜົນປະໂຫຍດ, ໄດ້ອອກແຮງຊຸກຍູ້ເສດຖະກິດເກຼັກໃຫ້ຟື້ນຟູ ແລະ ສັງຄົມເກຼັກໄດ້ມີການພັດທະນາ, ສອດຄ່ອງກັບຜົນປະໂຫຍດຂອງປະຊາຊົນເກຼັກ, ໄດ້ຮັບການສະໜັບສະໜູນຢ່າງກວ້າງຂວາງຈາກປະຊາຊົນເກຼັກ. ເກຼັກຍິນດີຮ່ວມມືກັບຈີນ, ເຮັດໃຫ້ໂຄງການທ່າກຳປັ່ນປີຣາອຸຍສໃຫຍ່ຂຶ້ນ ແລະ ເຂັ້ມແຂງຂຶ້ນ, ກາຍເປັນແບບຢ່າງທີ່ດີໃນການສ້າງ “ໜຶ່ງແລວໜຶ່ງເສັ້ນທາງ” ຮ່ວມກັນ.
ທ່າກຳປັ່ນປີຣາອຸຍສແມ່ນທ່າກຳປັ່ນໃຫຍ່ທີ່ສຸດຂອງເກຼັກ,ຫ່າງຈາກນະຄອນຫຼວງເອເທນໄປທາງທິດຕາເວັນຕົກສຽງໃຕ້ປະມານ 10 ກິໂລແມັດ.
ຄຳເຫັນ
0