ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານກີຣີອາໂກສ ມິດໂຊຕາກີສ ນາຍົກລັດຖະມົນຕີເກຼັກ ແລະກ່າວເນັ້ນວ່າ: ຈີນ ແລະເກຼັກຄວນເປີດກວ້າງຂະໜາດການຄ້າ ແລະການລົງທຶນເຊິ່ງກັນ ແລະກັນ, ເພີ່ມທະວີການຮ່ວມມືໃນຂົງເຂດຕ່າງໆ ເຊັ່ນ: ພະລັງງານໄຟຟ້າ, ການສື່ສານ, ການຜະລິດ, ການທະນາຄານ ແລະອື່ນໆ. ຈີນຍິນດີນຳເຂົ້າຜະລິດຕະພັນກະສິກຳທີ່ມີຄຸນນະພາບດີຈາກເກຼັກຫຼາຍກວ່າເກົ່າ ແລະຈະສົ່ງເສີມໃຫ້ວິສາຫະກິດທີ່ເຂັ້ມແຂງຂອງຈີນມາລົງທຶນຢູ່ເກຼັກຫຼາຍກວ່າເກົ່າ.
ທ່ານມິດໂຊຕາກີສກ່າວວ່າ: ເກຼັກຫວັງວ່າຈະກາຍເປັນປະຕູຂອງຈີນໃນການເຂົ້າສູ່ຕະຫຼາດເອີຣົບ ແລະຍິນດີຕ້ອນຮັບວິສາຫະກິດຈີນເຂົ້າມາລົງທຶນຢູ່ເກຼັກຫຼາຍກວ່າເກົ່າ, ຫວັງວ່າສອງຝ່າຍຈະເພີ່ມທະວີການແລກປ່ຽນ ແລະການຮ່ວມມືດ້ານການຂົນສົ່ງທາງທະເລ, ພະລັງງານ, ການຄ້າເອເລັກໂຕຣນິກ, ວັດທະນະທຳ, ການສຶກສາ, ການທ່ອງທ່ຽວ ແລະອື່ນໆ.
ໃນມື້ດຽວກັນ, ຜູ້ນຳສອງທ່ານໄດ້ຮ່ວມກັນເປັນສັກຂີພິຍານໃຫ້ແກ່ການເຊັນສັນຍາການຮ່ວມມືໃນຂົງເຂດຕ່າງໆ ເຊັ່ນ: ການລົງທຶນ, ທ່າເຮືອ, ການທະນາຄານ, ພະລັງງານ, ການສຶກສາ ແລະອື່ນໆ.
ຄຳເຫັນ
0