ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ14ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ເຂົ້າຮ່ວມການພົບປະລະຫວ່າງຜູ້ນຳປະເທດບຣິກສ໊ຄັ້ງທີ11ຢູ່ນະຄອນຫຼວງບາຊີເຣຍ ໂດຍໄດ້ສະແດງຫຼັກໝັ້ນຢ່າງຈະແຈ້ງຂອງລັດຖະບານຈີນຕໍ່ສະຖານະການຢູ່ຮົງກົງໃນປັດຈຸບັນ.
ທ່ານສີຈິ້ນຜິງກ່າວວ່າ,ການກະທຳຜິດດ້ວຍຄວາມຮຸນແຮງຂອງພວກຫົວຮຸນແຮງທີ່ເກີດຂຶ້ນຢູ່ຮົງກົງຢ່າງຕໍ່ເນື່ອງ,ໄດ້ຢາບຢ່ຳລະບຽບການປົກຄອງແລະຄວາມເປັນລະບຽບຮຽບຮ້ອຍຂອງສັງຄົມຢ່າງໜັກໜ່ວງ, ທຳລາຍຄວາມຈະເລີນຮຸ່ງເຮືອງແລະຄວາມໝັ້ນຄົງຂອງຮົງກົງຢ່າງໜັກໜ່ວງ,ເປັນການທ້າທາຍຕໍ່ເສັ້ນຕ່ຳສຸດຂອງຫຼັກການ“ປະເທດດຽວສອງລະບອບ”ຢ່າງໜັກໜ່ວງ. ການສະກັດກັ້ນແລະຄວບຄຸມການໃຊ້ຄວາມຮຸນແຮງ,ຟື້ນຟູຄວາມເປັນລະລຽບຮຽບຮ້ອຍຂອງສັງຄົມໃຫ້ປົກກະຕິ ແມ່ນໜ້າທີ່ອັນຮີບດ່ວນທີ່ສຸດຂອງຮົງກົງໃນປັດຈຸບັນ. ພວກເຮົາຈະສືບຕໍ່ສະໜັບສະໜູນການປະຕິບັດໜ້າທີ່ວຽກງານບໍລິຫານຕາມກົດໝາຍຂອງອົງການປົກຄອງເຂດບໍລິຫານພິເສດຮົງກົງທີ່ນຳພາໂດຍຜູ້ວ່າການເຂດບໍລິຫານຢ່າງເດັດດ່ຽວໜຽວແໜ້ນ, ເດັດດ່ຽວສະໜັບສະໜູນຕຳຫຼວດຮົງກົງໃນການບັງຄັບໃຊ້ກົດໝາຍຢ່າງເຂັ້ມງວດ,ເດັດດ່ຽວສະໜັບສະໜູນອົງການຕຸລາການຮົງກົງລົງໂທດຕໍ່ຜູ້ກະທຳຜິດກົດໝາຍທີ່ໃຊ້ຄວາມຮູນແຮງຕາມກົດໝາຍ.ລັດຖະບານຈີນມີຄວາມຕັດສິນໃຈຢ່າງໜຽວແໜ້ນບໍ່ປ່ຽນແປງໃນການປ້ອງກັນອະທິປະໄຕແຫ່ງຊາດ,ຄວາມໝັ້ນຄົງແລະຜົນປະໂຫຍດໃນການພັດທະນາ, ມີຄວາມຕັດສິນໃຈຢ່າງໜຽວແໜ້ນບໍ່ປ່ຽນແປງໃນການຈັດຕັ້ງປະຕິບັດແນວທາງ“ປະເທດດຽວສອງລະບອບ”, ແລະມີຄວາມຕັດສິນໃຈຢ່າງໜຽວແໜ້ນບໍ່ປ່ຽນແປງໃນການຄັດຄ້ານອິດທິກຳລັງພາຍນອກອື່ນໆທີ່ຫວັງແຊກແຊງວຽກງານຂອງຮົງກົງ.
ຄຳເຫັນ
0