ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ພະຈິກນີ້, ທ່ານຈ່າງເຖເຫວີຍ ໂຄສົກຄະນະກຳມາທິການລະບຽບກົດໝາຍ ຄະນະປະຈຳສະພາປະຊາຊົນແຫ່ງຊາດຈີນ ໄດ້ຖະແຫຼງຂ່າວກ່ຽວກັບຄຳຕັດສິນຂອງສານ ຂັ້ນຕົ້ນໃນສານສູງເຂດບໍລິຫານພິເສດຮົງກົງ ທີ່ໄດ້ນັ່ງບັນລັງທົບທວນຄຳຕັດສິນທີ່ກ່ຽວຂ້ອງ ໂດຍມີເນື້ອໃນດັ່ງນີ້:
ວັນທີ 18 ພະຈິກນີ້, ສານຂັ້ນຕົ້ນໃນສານສູງເຂດບໍລິຫານພິເສດຮົງກົງໄດ້ທຳການຕັດສິນວ່າ: ບາງມາດຕາໃນ “ກົດລະບຽບວ່າດ້ວຍກໍລະນີສຸກເສີນ” ຂອງຮົງກົງແມ່ນບໍ່ສອດຄ່ອງກັບກົດໝາຍພື້ນຖານຮົງກົງ. ການຕັດສິນດັ່ງກ່າວໄດ້ເຮັດໃຫ້ມາດຕະການທີ່ກ່ຽວຂ້ອງໃນກົດລະບຽບດັ່ງກ່າວບໍ່ມີຜົນບັງຄັບໃຊ້. ຜູ້ແທນສະພາປະຊາຊົນແຫ່ງຊາດຈີນຈຳນວນໜຶ່ງຮູ້ສຶກບໍ່ພໍໃຈເປັນຢ່າງຍິ່ງຕໍ່ຄຳຕັດສິນດັ່ງກ່າວ, ຂະນະທີ່ຄະນະກຳມາທິການລະບຽບກົດໝາຍ ຄະນະປະຈຳສະພາປະຊາຊົນແຫ່ງຊາດກໍໄດ້ເອົາໃຈໃສ່ຕິດຕາມຢ່າງໃກ້ຊິດຕໍ່ກໍລະນີດັ່ງກ່າວ. ພວກເຮົາເຫັນວ່າ: ລັດຖະທຳມະນູນ ແລະ ກົດໝາຍພື້ນຖານໄດ້ສົບທົບກັນເປັນພື້ນຖານໃຫ້ແກ່ລະບຽບການການປົກຄອງຕາມລັດຖະທຳມະນູນຂອງຮົງກົງ. ກົດໝາຍຂອງເຂດບໍລິຫານພິເສດຮົງກົງແມ່ນສອດຄ່ອງກັບກົດໝາຍພື້ນຖານຮົງກົງຫຼືບໍ່, ພຽງແຕ່ແມ່ນຄະນະປະຈຳສະພາປະຊາຊົນແຫ່ງຊາດເປັນຜູ້ຕັດສິນແລະດຳເນີນການຕົກລົງ, ສ່ວນອົງການອື່ນໃດແມ່ນບໍ່ມີສິດດຳເນີນການຕັດສິນແລະຕົກລົງ. ອີງຕາມມາດຕາທີ 8 ຂອງກົດໝາຍພື້ນຖານຮົງກົງ, ກົດໝາຍທີ່ມີຢູ່ແລ້ວຂອງຮົງກົງ ລວມທັງ “ກົດລະບຽບວ່າດ້ວຍກໍລະນີສຸກເສີນ” ນອກຈາກໄດ້ຂັດກັບກົດໝາຍພື້ນຖານຮົງກົງ ຫຼື ອົງການນິຕິບັນຍັດເຂດບໍລິຫານພິເສດຮົງກົງທີ່ໄດ້ດຳເນີນການດັດແກ້ແລ້ວ ບໍ່ຄວນລົບລ້າງ. ເນື້ອໃນທີ່ກ່ຽວຂ້ອງໃນຄຳຕັດສິນຂອງສານຂັ້ນຕົ້ນໃນສານສູງເຂດບໍລິຫານພິເສດຮົງກົງ ໄດ້ເປັນການບັ່ນທອນສິດຄຸ້ມຄອງ-ບໍລິຫານຕາມກົດໝາຍຂອງຜູ້ວ່າການແລະອຳນາດການປົກຄອງເຂດບໍລິຫານພິເສດຮົງກົງຢ່າງໜັກໜ່ວງ ຈຶ່ງບໍ່ສອດຄ່ອງກັບກົດໝາຍພື້ນຖານຮົງກົງ ແລະ ຂໍ້ກຳນົດໃນມະຕິຕົກລົງທີ່ກ່ຽວຂ້ອງຂອງຄະນະປະຈຳສະພາປະຊາຊົນແຫ່ງຊາດ.
ຄຳເຫັນ
0