ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສຳມະນາການຄ້າແລະການລົງທຶນຈີນ-ຫວຽດນາມຈັດຂຶ້ນຢູ່ນະຄອນຫຼວງຮ່າໂນ້ຍປະເທດຫວຽດນາມໃນວັນທີ 18 ພະຈິກນີ້ ໂດຍມີທ່ານລຸຍຊິນຮວາ ປະທານສະພາສົ່ງເສີມການຮ່ວມມືໃຕ້-ໃຕ້, ທ່ານສົງໂປ່ ເອກອັກຄະລັດຖະທູດຈີນປະຈຳຫວຽດນາມ, ທ່ານດວນດຸຍຄວງ ຮອງປະທານສະພາອຸດສາຫະກຳການຄ້າຫວຽດນາມ ພ້ອມດ້ວຍນັກທຸລະກິດສອງປະເທດເຂົ້າຮ່ວມ ໂດຍໄດ້ລົງເລິກປຶກສາຫາລືສະພາບການໃນປັດຈຸບັນ ແລະ ອະນາຄົດແຫ່ງການຮ່ວມມືທາງເສດຖະກິດການຄ້າລະຫວ່າງສອງປະເທດ.
ທ່ານລຸຍຊິນຮວາກ່າວວ່າ, ໃນຫຼາຍປີມໍ່ໆມານີ້, ຫວຽດນາມຕັ້ງໜ້າເຂົ້າຮ່ວມການຮ່ວມມືພາກພື້ນ, ລົງນາມໃນສັນຍາການຄ້າເສລີ. ໃນສູ່ມື້ນີ້ທີ່ລັດທິປົກປ້ອງ ແລະ ລັດທິຝ່າຍດຽວນັບມື້ນັບຮ້າຍແຮງຂຶ້ນ, ການຍຶດໝັ້ນໃນລັດທິຫຼາຍຝ່າຍ ແລະ ປົກປ້ອງຂອບການຄ້າຫຼາຍຝ່າຍໄດ້ເປັນການກະທຳທີ່ໜ້າຍ້ອງຍໍຊົມເຊີຍທີ່ສຸດ. ປັດຈຸບັນ, ການຮ່ວມມືທາງເສດຖະກິດການຄ້າລະຫວ່າງສອງປະເທດໄດ້ພັດທະນາຢ່າງໜັກແໜ້ນ ແລະ ໄດ້ປະສົບຜົນສຳເລັດທີ່ອຸດົມສົມບູນ ທັງມີອະນາຄົດທີ່ກວ້າງຂວາງ ແລະ ມີຄວາມສາມາດບົ່ມຊ້ອນອັນມະຫາສານ.
ທ່ານດວນດຸຍຄວງກ່າວວ່າ, ຈີນເປັນຄູ່ການຄ້າສຳຄັນຂອງຫວຽດນາມມາໂດຍຕະຫຼອດ, ຫວຽດນາມກໍເປັນຄູ່ການຄ້າໃຫຍ່ທີ່ສຸດຂອງຈີນໃນບັນດາປະເທດໃນອາຊຽນ. ຂະນະດຽວກັນ, ຈີນໄດ້ກາຍເປັນປະເທດທຳອິດທີ່ມີມູນຄ່າການຄ້າກັບຫວຽດນາມຫຼາຍກວ່າ 100 ຕື້ໂດລາສະຫະລັດ. ໂຄງການລົງທຶນຂອງຈີນຢູ່ຫວຽດນາມໄດ້ດຳເນີນໄປຢ່າງສະດວກ ເຊິ່ງໄດ້ນຳເອົາຜົນປະໂຫຍດຕົວຈິງມາໃຫ້ວິສາຫະກິດແລະປະຊາຊົນສອງຊາດ.
ຄຳເຫັນ
0