ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມສື່ມວນຊົນເຢຍລະມັນລາຍງານວ່າ:ວັນທີ 27 ພະຈິກນີ້ຕາມເວລາທ້ອງຖິ່ນ, ທ່ານນາງ ແອງເຈີລາ ເມີເຄວ ນາຍົກລັດຖະມົນຕີເຢຍລະມັນໄດ້ກ່າວໃມກອງປະຊຸມອະພິປາຍທົ່ວໄປຂອງສະພາສະຫະພັນເຢຍລະມັນໂດຍຮຽກຮ້ອງໃຫ້ບັນດາປະເທດຂອງສະຫະພາບເອີຣົບຈົ່ງປະສານງານຢ່າງເປັນເອກະພາບກັນກ່ຽວກັບມາດຕະຖານຄວາມປອດໄພໃນການກໍ່ສ້າງລະບົບ 5G, ພ້ອມທັງກ່າວເຕືອນວ່າບໍ່ຄວນໃຊ້ທ່າທີໂດດດ່ຽວແລະແຍກປ່ຽວຈີນ.
ທີ່ຈິງແລ້ວ,ກ່ອນໜ້ານີ້,ທ່ານນາງ ແອງເຈີລາ ເມີເຄວໄດ້ສະແດງທ່າທີຂອງຕົນມາເປັນຫຼາຍຄັ້ງແລ້ວໂດຍໄດ້ປະຕິເສດການປັດປ່າຍບໍ່ໃຫ້ວິສາຫະກິດສະເພາະເຂົ້າຮ່ວມການສ້າງລະບົບ 5G ຂອງປະເທດຕົນ.ທ່ານຍັງໄດ້ສະເໜີໃຫ້ຮ່ວມກັບຝຣັ່ງທົດລອງການບັນລຸແຜນການແກ້ໄຂສະບັບໜຶ່ງກ່ອນ ແລ້ວຈຶ່ງວາງແຜນທີ່ກວມເອົາທົ່ວຂອບເຂດສະຫະພາບເອີຣົບບົນພື້ນຖານດັ່ງກ່າວ. ທ່ານ ເເອມມານູແອນ ມາຄຣົງ ປະທານາທິບໍດີຝຣັ່ງໄດ້ກ່າວໃນຂະນະທີ່ຕອບຄຳຖາມກ່ຽວກັບບໍລິສັດຫົວເຫວີຍໃນວັນທີ 28 ພະຈິກນີ້ໂດຍກ່າວວ່າ:ຕົນບໍ່ຢາກໃສ່ຮ້າຍປ້າຍສີປະເທດຫຼືບໍລິສັດໂທລະຄົມສະເພາະໃດໆຢ່າງເດັດຂາດ.
ບຸກຄົນວົງການພາຍໃນເຫັນວ່າ: ທິດທາງນະໂຍບາຍຂອງເຢຍລະມັນແລະຝຣັ່ງມີອິດທິພົນຢ່າງໃຫຍ່ໃນເອີຣົບ,ຖ້າສອງປະເທດດັ່ງກ່າວອະນຸຍາດໃຫ້ອຸປະກອນຂອງບໍລິສັດຫົວເຫວີຍເຂົ້າຮ່ວມການແຂ່ງຂັນຢ່າງມີຄວາມຍຸຕິທຳ ກໍຈະມີຄວາມໝາຍສຳຄັນຕໍ່ບໍລິສັດຫົວເຫວີຍ.
ຄຳເຫັນ
0