ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI：ວັນທີ 5 ທັນວານີ້ຕາມເວລາທ້ອງຖິ່ນ, ທ່ານຫວາງຢີ້, ທີ່ປຶກສາແຫ່ງລັດທັງເປັນລັດຖະມົນຕີການຕ່າງປະເທດຈີນກ່າວໃນເວລາແລກປ່ຽນຄວາມຄິດເຫັນກັບເພື່ອນມິດໃນວົງການຕ່າງໆຂອງສ.ເກົາຫຼີຢູ່ນະຄອນຫຼວງເຊອູນວ່າ, ຈີນໄດ້ປະສົບຜົນສຳເລັດໃນການພັດທະນາທີ່ປະຈັກຕາຕໍ່ຊາວໂລກ, ຍ້ອນວ່າພວກເຮົາໄດ້ຄົ້ນພົບເສັ້ນທາງແຫ່ງການພັດທະນາທີ່ຖືກຕ້ອງ, ກໍຄືເສັ້າທາງສັງຄົມນິຍົມທີ່ມີສີສັນພິເສດຂອງຈີນພາຍໃຕ້ການນຳພາຂອງພັກກອມມູນິດຈີນ. ເສັ້ນທາງສາຍນີ້ບໍ່ພຽງແຕ່ສອດຄ່ອງກັບສະພາບຄວາມເປັນຈິງຂອງຈີນເທົ່ານັ້ນ, ຍັງ ກໍສອດຄ່ອງກັບກະແສແຫ່ງຍຸກສະໄໝ; ເຊິ່ງບໍ່ພຽງແຕ່ໄດ້ຮັບການຢືນຢັນດ້ວຍພຶດຕິກຳຕົວຈິງວ່າແມ່ນຜົນສຳເລັດ, ຍັງໄດ້ສະແດງໃຫ້ເຫັນຄວາມມີຊີວິດຊີວາອັນຍິ່ງໃຫຍ່ ;ບໍ່ພຽງແຕ່ໄດ້ຮັບການສະໜັບສະໜູນດ້ວຍຄວາມຈິງໃຈຈາກປະຊາຊົນຈີນ, ຍັງໄດ້ຮັບຄວາມເຂົ້າໃຈແລະການຍອມຮັບນັບມື້ນັບຫຼາຍຈາກບັນດາປະເທດໃນທົ່ວໂລກ.
ທ່ານຫວາງຢີ້ຊີ້ອອກວ່າ, ນີ້ແນ່ນອນແລ້ວ, ບໍ່ແມ່ນໝົດທຸກຄົນຫວ້ງເຫັນຈີນປະສົບຄວາມສຳເລັດ, ມີບາງກຸ່ມຄົນຈຳນວນໜຶ່ງໃນປະເທດມະຫາອຳນາດໄດ້ພະຍາຍາມຢ່າງສຸດຂີດເພື່ອໃສ່ຮ້າຍປາຍສີຈີນ, ຢາກເຫັນຈີນທີ່ຊຸດໂຊມລົງ, ຈົນປ່າວປະກາດວ່າຕ້ອງສະກັດກັ້ນຈີນ. ເຊິ່ງຄຳເຫັນເຫຼົ່ານີ້ເຕັມໄປດ້ວຍອະຄະຕິຈາກຮູບຖານຈິດສຳນຶກແລະພາຍຫຼັງເລື່ອງນີ້ທັງມີຄວາມເຫັນເຂົ້າຂ້າງດ້ານແນວຄວາມຄິດ, ກໍມີຄວາມຈອງຫອງຂອງແນວຄິດການເມືອງມະຫາອຳນາດ. ແຕ່ວ່າເຈດຕະນາຮ້າຍເຫຼົ່ານັ້ນລ້ວນແຕ່ຈະຕ້ອງປະລາໄຊໃນສຸດທ້າຍ. ເພາະວ່າ, ປະເທດໃດກໍລ້ວນແຕ່ມີສິດໃນການພັດທະນາຕົນເອງ ； ຊົນເຜົ່າໃດກໍລ້ວນແຕ່ຄວນໄດ້ຮັບການເຄົາລົບນັບຖືບົນຄວາມສະເໝີພາບກັນ. ແນວຄິດສົງຄາມເຢັນແມ່ນແນວຄິດທີ່ທັນສະໄໝມາແຕ່ດົນແລ້ວ, ການກະທຳໃນລັກສະນະເຈົ້າອຳນາດຈາກປະຊາຊົນ. ຄວາມຈະເລີນຮຸ່ງເຮືອງຄືນໃໝ່ຂອງຊົນຊາດຈີນແມ່ນຄວາມຈຳເປັນທາງປະຫວັດສາດ, ປະເທດໃດໆກໍບໍ່ສາມາດກີດກັ້ນໄດ້. ເສັ້ນທາງການພັດທະນາຂອງຈີນແມ່ນການເລືອກເຟັ້ນໂດຍປະຊາຊົນຈີນ, ເຊິ່ງຈະຕ້ອງໄດ້ຮັບການພັດທະນານັບມື້ນັບກ້າວໄກແລະກວ້າງຂວາງກວ່າເກົ່າຢ່າງແນ່ນອນ.
ຄຳເຫັນ
0