ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ວັນທີ 5 ທັນວານີ້, ປະເທດຝຣັ່ງໄດ້ນັດຢຸດງານປະທ້ວງພາຍໃນຂອບເຂດທົ່ວປະເທດ, ເຮັດໃຫ້ການຄົມມະນາຄົມເກືອບເປັນອຳມະພາດໝົດ. ຜູ້ປະທ້ວງຫົວຮຸນແຮງຈຳນວນໜຶ່ງໄດ້ປະທະກັບເຈົ້າໜ້າທີ່ຕຳຫຼວດ, ຝ່າຍຕຳຫຼວດປະກາດວ່າໄດ້ຈັບຕົວຜູ້ປະທ້ວງ 100 ກວ່າຄົນ. ຕາມສະຖິຕິຂອງກະຊວງພາຍໃນຝຣັ່ງສະແດງໃຫ້ເຫັນວ່າ: ໃນມື້ດຽວກັນ, ໃນປະເທດຝຣັ່ງມີຫຼາຍກວ່າ 70 ເມືອງໄດ້ແຫ່ຂະບວນປະທ້ວງເພື່ອຄັດຄ້ານການປະຕິຮູບລະບຽບການອອກກິນເບ້ຍບຳນານຂອງລັດຖະບານ, ຈຳນວນຄົນເຂົ້າຮ່ວມການເດີນຂະບວນປະທ້ວງມີຫຼາຍກວ່າ 8 ແສນຄົນ. ແຕ່ສະຫະພັນກຳມະບານຝຣັ່ງກ່າວວ່າຈຳນວນຄົນເຂົ້າຮ່ວມການເດີນຂະບວນປະທ້ວງມີເຖິງ 1,5 ລ້ານຄົນ.
ທຳນຽບປະທານາທິບໍດີຝຣັ່ງອອກຖະແຫຼງການວ່າ: ທ່ານເອມມານູແອນ ມາຄຣົງ ປະທານາທິບໍດີຝຣັ່ງຍັງຈະຍຶດໝັ້ນການດຳເນີນການປະຕິຮູບ, ແຕ່ຍິນດີ“ຝັງຄວາມຄິດເຫັນແລະປຶກສາຫາລືກັນ”; ທ່ານແອັດອອດ ຟີລິບ ນາຍົກລັດຖະມົນຕີຝຣັ່ງຈະປະກາດໂຄງຮ່າງລວມຂອງການປະຕິຮູບລະບຽບການອອກກິນເບ້ຍບຳນານໃນອາທິດໜ້າ.
ຄຳເຫັນ
0