ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 5 ທັນວານີ້, ໃນເວລາແລກປ່ຽນຄວາມຄິດເຫັນກັບເພື່ອນມິດໃນວົງການຕ່າງໆຂອງສ.ເກົາຫລີທີ່ນະຄອນເຊອຸນ, ທ່ານວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນກ່າວວ່າ, ຈີນພວມຊຸກຍູ້ການເປີດປະຕູສູ່ພາຍນອກໃນລະດັບສູງ. ພວກເຮົາບໍ່ພຽງແຕ່ໄດ້ປະຕິບັດໃຫ້ສຳເລັດລື່ນຄາດໝາຍຂອງຄຳໝັ້ນສັນຍາທັງໝົດທີ່ໃຫ້ໄວ້ໃນເວລາເຂົ້າຮ່ວມອົງການການຄ້າໂລກ WTO ເທົ່ານັ້ນ, ຫາກຍັງໄດ້ຫຼຸດພາສີລົງເຖິງ 7,5% ອີກດ້ວຍ, ເຊິ່ງຕ່ຳກວ່າບັນດາປະເທດທີ່ພວມພັດທະນາແລະອົງກອນເສດຖະກິດຈະເລີນໃໝ່ຢ່າງຫຼວງຫຼາຍ. ສະພາບແວດລ້ອມການທຸລະກິດຂອງຈີນຈາກອັນດັບທີ 78 ໃນສອງປີຜ່ານມາໄດ້ຢັບຂຶ້ນສູ່ອັນດັບທີ 31 ຢ່າງວ່ອງໄວ. ພວກເຮົາໄດ້ໂຍະຍານເງື່ອນໄຂການອະນຸມັດໃຫ້ເຂົ້າເຖິງຕະຫຼາດຈີນຢ່າງຫຼວງຫຼາຍ, ຂະແໜງການການຜະລິດໄດ້ເປີດປະຕູຢ່າງຮອບດ້ານ, ຂະແໜງການການບໍລິການກໍ່ພວມເລັ່ງລັດເປີດປະຕູຢູ່, ບັນຊີດ້ານລົບຂອງການລົງທຶນຂອງຕ່າງປະເທດໄດ້ຫຼຸດລົງເຫຼືອພຽງ 40 ລາຍການ. ວັນທີ 1 ມັງກອນປີໜ້າ, ຈີນຈະປະຕິບັດ “ກົດໝາຍວ່າດ້ວຍການລົງທຶນຂອງຕ່າງປະເທດ”ສະບັບໃໝ່, ເພື່ອເປັນສິ່ງອຳນວຍຕໍ່ສະພາບແວດລ້ອມການລົງທຶນທີ່ເປັນລະບຽບແລະດີກວ່າເກົ່າໃຫ້ແກ່ນັກທຸລະກິດຕ່າງປະເທດ.
ຄຳເຫັນ
0