ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ6ທັນວານີ້,ທ່ານຢາງເຈຊື,ກຳມະການກົມການເມືອງສູນກາງພັກກອມມູນິດຈີນ,ຫົວໜ້າຫ້ອງການຄະນະກຳມະການວຽກງານການຕ່າງປະເທດສູນກາງຈີນ ແລະທ່ານຊິເກະຣຸ ຄິຕະມຸຣະ, ປະທານອົງການຮັກສາຄວາມໝັ້ນຄົງແຫ່ງຊາດຍິ່ປຸ່ນ ເປັນປະທານຮ່ວມຂອງການສົນທະນາທາງການເມືອງຂັ້ນສູງຄັ້ງທີ7ລະຫວ່າງຈີນກັບຍິ່ປຸ່ນທີ່ຈັດຂຶ້ນຢູ່ນະຄອນຫຼວງປັກກິ່ງ.
ທ່ານຢາງເຈຊືກ່າວວ່າ,ໃນເດືອນມິຖຸນາປີນີ້,ທ່ານປະທານສີຈິ້ນຜິງແລະທ່ານນາຍົກລັດຖະມົນຕີອະເບະຊິນໂຈະໄດ້ບັນລຸຄວາມເຫັນເປັນເອກະພາບກັນທີ່ສຳຄັນກ່ຽວກັບການສ້າງການພົວພັນຈີນ-ຍິ່ປຸ່ນທີ່ສອດຄ່ອງກັບຄວາມຮຽກຮ້ອງຕ້ອງການຂອງຍຸກໃໝ່, ແລະໄດ້ກຳນົດທິດທາງການຂະຫຍາຍການພົວພັນລະຫວ່າງສອງປະເທດໃນໄລຍະຕໍ່ໜ້າຢ່າງຈະແຈ້ງ. ສອງຝ່າຍຄວນຍືດໝັ້ນໃນການພິຈາລະນາແລະກຳແໜ້ນການພົວພັນລະຫວ່າງສອງປະເທດດ້ວຍວິໄສທັດຍຸດທະສາດ,ຍຶດໝັ້ນເຄົາລົບເຊິ່ງກັນແລະກັນ,ສະເໝີພາບ,ຕ່າງຝ່າຍຕ່າງມີຜົນປະໂຫຍດ,ແລະບໍ່ແຊກແຊງວຽກງານພາຍໃນຂອງກັນ, ເລັ່ງລັດຈັດຕັ້ງປະຕິບັດຄວາມເຫັນທີ່ເປັນເອກະພາບກັນທີ່ສຳຄັນຂອງຜູ້ນຳສອງປະເທດໄດ້ຕົກລົງຮ່ວມກັນ, ຕັ້ງໜ້າຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍຕົວຢ່າງປອດໃສແລະໝັ້ນທ່ຽງ.
ສອງຝ່າຍເປັນເອກະພາບກັນເຫັນວ່າ, ການພົວພັນຈີນ-ຍິ່ປຸນໃນປັດຈຸບັນໄດ້ຮັກສາທ່ວງທ່າການຂະຫຍາຍຕົວດີຂຶ້ນ.ສອງຝ່າຍຈະພ້ອມກັນສຸມຄວາມພະຍາຍາມກຽມພ້ອມໃຫ້ດີແລະລະອຽດ, ສ້າງບັນຍາກາດທີ່ປອງດອງກັນ, ຮັບປະກັນວາລະປະຊຸມທາງການທູດແລະການເມືອງທີ່ສຳຄັນລະຫວ່າງສອງປະເທດໄດ້ດຳເນີນໄປຢ່າງສຳເລັດຜົນ.
ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບບັນຫາສາກົນແລະພາກພື້ນທີ່ສອງຝ່າຍສົນໃຈນຳກັນ.
ຄຳເຫັນ
0