ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ມັງກອນນີ້, ທ່ານເກີຣີກ ອະບຸເຕີ ເຈົ້າຄອງລັດເຕີກສັສໄດ້ສົ່ງຈົດໝາຍໃຫ້ກະຊວງການຕ່າງປະເທດອາເມຣິກາ ໂດຍສະແດງວ່າ: ລັດເຕີກສັສບໍ່ເຫັນດີຮັບຊາວອົບພະຍົບຕື່ມອີກໃນສົກປີການເງິນ 2020. ສື່ມວນຊົນອາເມຣິກາແຈ້ງຂ່າວວ່າ: ການຕັດສິນດັ່ງກ່າວເຮັດໃຫ້ທ່ານກາຍເປັນເຈົ້າຄອງລັດຜູ້ທຳອິດທີ່ປະຕິເສດບໍ່ຮັບຮອງຄຳສັ່ງທີ່ກ່ຽວຂ້ອງກັບລັດຖະບານ.
ສື່ມວນຊົນອາເມຣິກາໄດ້ລາຍງານວ່າ: ໃນເດືອນກັນຍາປີ 2019, ທ່ານໂດໂນ ທຣຳ ປະທານາທິບໍດີອາເມຣິກາໄດ້ເຊັນຄຳສັ່ງທາງບໍລິຫານສະບັບໜຶ່ງ ທີ່ກຳນົດວ່າຈຳນວນຊາວອົບພະຍົບທີ່ທົ່ວອາເມລິການຈະຮັບເອົາໃນສົກປີການເງິນ 2020 ແມ່ນ 18000 ຄົນ ເຊິ່ງເປັນຈຳນວນໜ້ອຍທີ່ສຸດນັບແຕ່ປີ 1980 ເປັນຕົ້ນມາແຕ່ອາເມຣິກາປະຕິບັດລະບຽບຊາວອົບພະຍົບສະໄໝໃໝ່. ການຕົກລົງຂອງເຈົ້າຄອງລັດເຕີກສັສຈະເປັນການກະທົບຢ່າງແຮງຕໍ່ແຜນການຊາວອົບພະຍົບອາເມຣິກາ ເພາະວ່າລັດເຕີກສັສເປັນລັດທີ່ຮັບເອົາຊາວອົບພະຍົບຫຼາຍທີ່ສຸດຂອງອາເມຣິກາຕະຫຼອດມາ.
ຄຳເຫັນ
0