ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 5 ກຸມພານີ້ຢູ່ທີ່ປັກກິ່ງ, ທ່ານສີຈິ້ນຜິງ ປະທານປະເທດຈີນກ່າວເນັ້ນວ່າ: ພາຍໃຕ້ການນຳພາໂຮມສຸນຢ່າງເປັນເອກະພາບຂອງສູນກາງພັກ, ຕ້ອງຖືຄວາມປອດໄພດ້ານຊີວິດແລະສຸຂະພາບທີ່ແຂງແຮງຂອງປະຊາຊົນເປັນສິ່ງສຳຄັນອັນດັບໜຶ່ງຢູ່ສະເໝີ, ອອກແຮງຈາກນິຕິກຳ, ການບັງຄັບໃຊ້ກົດໝາຍ,ຕຸລາການ, ການເຄົາລົບກົດໝາຍ ແລະ ອື່ນໆ ເພື່ອຍົກສູງຄວາມສາມາດໃນການປ້ອງກັນແລະຄວມຄຸມພະຍາດຕາມກົດໝາຍ ແລະການບໍລິຫານຕາມກົດໝາຍຢ່າງຮອບດ້ານ, ເຮັດໃຫ້ວຽກງານການປ້ອງກັນແລະຄວບຄຸມພະຍາດມີການຮັບປະກັນດ້ານກົດໝາຍທີ່ເຂັ້ມແຂງ.
ມື້ດຽວກັນ, ທ່ານສີຈິ້ນຜິງໄດ້ເປັນປະທານໃນກອງປະຊຸມຄັ້ງທີ 3 ຂອງຄະນະກຳມະການປົກຄອງປະເທດຕາມກົດໝາຍຮອບດ້ານຂອງສູນກາງ. ທ່ານກ່າວເນັ້ນວ່າ: ໃນໄລຍະປ້ອງກັນແລະຄວບຄຸບພະຍາດທີ່ສຳຄັນ, ການປ້ອງກັນແລະຄວບຄຸມພະຍາດຕາມກົດໝາຍ, ຕາມຫຼັກວິທະຍາສາດແລະເປັນລະບຽບຮຽບຮ້ອຍ ມີຄວາມສຳຄັນຫຼາຍ, ຕ້ອງຈັດວາງແລະຊຸກຍູ້ວຽກງານການປ້ອງກັນແລະຄວບຄຸມພະຍາດທຸກປະການໃຫ້ເປັນເອກະພາບກັນຕາມກົດໝາຍ.
ທ່ານສີຈິ້ນຜິງຮຽກຮ້ອງໃຫ້ບູລະນະນິຕິກຳກ່ຽວກັບການປ້ອງກັນແລະຄວບຄຸມພະຍາດທີ່ກ່ຽວຂ້ອງ, ຕ້ອງປະຕິບັດກົດໝາຍແລະກົດລະບຽບກ່ຽວກັບການປ້ອງກັນແລະຄວບຄຸມພະຍາດແລະຮັບມືກັບກໍລະນີສຸກເສີນຢ່າງເຂັ້ມງວດ, ເພີ່ມຄວາມເຂັ້ມງວດດ້ານຕຸລາການ ເພື່ອຕໍ່ຕ້ານການກະທຳທີ່ມີຜົນຮ້າຍຕໍ່ການປ້ອງກັນແລະຄວບຄຸມພະຍາດ, ເພີ່ມຄວາມເຂັ້ມງວດ ເພື່ອຕໍ່ຕ້ານການກະທຳທີ່ໃຊ້ຄວາມຮຸນແຮງທີ່ເປັນການທຳຮ້າຍພະນັກງານການແພດຕາມກົດໝາຍ, ຕ້ອງປະກາດບົດລາຍງານກ່ຽວກັບພະຍາດຕາມກົດໝາຍ ແລະແຈ້ງຂໍ້ມູນຂ່າວສານກ່ຽວກັບພະຍາດໃຫ້ຖືກຕ້ອງ ແລະ ທັນເວລາ.
ທ່ານສີຈິ້ນຜິງຍັງກ່າວເນັ້ນວ່າ: ອົງການປົກຄອງທຸກຂັ້ນຕ້ອງຊຸກຍູ້ການສ້າງອົງການປົກຄອງທີ່ປົກຄອງຕາມກົດໝາຍໃນຂະບວນການຮັບມືກັບເຫດການສຳຄັນແລະສຸກເສີນ, ຍົກສູງຄວາມສາມາດກຳອຳນາດຕາມກົດໝາຍ ແລະການບໍລິຫານຕາມກົດໝາຍ ເພື່ອຮັບປະກັນຄວາມປອດໄພດ້ານຊີວິດແລະສຸຂະພາບທີ່ແຂງແຮງຂອງປະຊາຊົນຢ່າງແທ້ຈິງ.
ຄຳເຫັນ
0