ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ກຸມພານີ້, ທ່ານເກີງສວງ ໂຄສົກກະຊວງການຕ່າງປະເທດຈີນກ່າວວ່າ, ປີນີ້ແມ່ນສົງຄາມໂລກຄັ້ງທີ 2 ໄດ້ຮັບໄຊຊະນະແລະ ການສະຖາປະນາອົງການສະຫະປະຊາຊາດຄົບຮອບ 75 ປີ, ກໍ່ແມ່ນປີທຳອິດຂອງກິດຈະກຳປີປະດິດສ້າງດ້ານວິທະຍາສາດເຕັກໂນໂລຊີຈີນ-ຣັດເຊຍ, ການພົວພັນຈີນ-ຣັດເຊຍຜະເຊີນໜ້າກັບໂອກາດໃໝ່.
ທ່ານອັນເດຼ ເດນີໂຊຟ ເອກອັກຄະລັດຖະທູດຣັດເຊຍປະຈຳຈີນໄດ້ຕີລາຄາສູງຕໍ່ການພົວພັນຣັດເຊຍ-ຈີນໃນວັນທີ 10 ກຸມພານີ້ ໂດຍຍ້ອງຍໍວ່າການພົວພັນຣັດເຊຍ-ຈີນເປັນຜູ້ນຳທາງຂອງການພົວພັນລະຫວ່າງຊາດໃນຍຸກສະໄໝນີ້, ສາມາດເວົ້າໄດ້ວ່າເປັນແບບຢ່າງທີ່ໝັ້ນຄົງ ແລະ ແໜ້ນແຟ້ນ. ທ່ານກ່າວວ່າ, ການຢ້ຽມຢາມເຊິ່ງກັນແລະກັນຕ່າງໆລະຫວ່າງປະມຸກລັດຣັດເຊຍ ກັບ ຈີນໃນປີນີ້ຈະປະຕິບັດຕາມແຜນການ.
ໃນເວລາຕອບຄຳຖາມກ່ຽວກັບເລື່ອງນີ້ຜ່ານອິນເຕີເນັດ, ທ່ານເກີງຊວງກ່າວວ່າ, ຈີນເຫັນດີເຫັນພ້ອມຕໍ່ຄຳຕີລາຄາອັນຕັ້ງໜ້າ ຂອງທ່ານເອກອັກຄະລັດຖະທູດເດນີໂຊຟຕໍ່ການພົວພັນຈີນ-ຣັດເຊຍຢ່າງເຕັມທີ. ທ່ານເກີງສວງກ່າວຕື່ມວ່າ, ພາຍໃຕ້ການຊີ້ນຳທາງຍຸດທະສາດຂອງທ່ານປະທານສີຈີ້ນຜິງ ແລະ ທ່ານປະທານາທິບໍດີປູຕິນ, ການພົວພັນຄູ່ປະສານງານຍຸດທະສາດຮອບດ້ານຈີນ-ຣັດເຊຍຈະເຂົ້າສູ່ສະໄໝໃໝ່.
ຄຳເຫັນ
0