ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ກຸມພານີ້, ໃນກອງປະຊຸມລາຍງານລະດັບສູງກ່ຽວກັບບັນຫາເດັກນ້ອຍ ກັບ ການປະທະກັນດ້ວຍກຳລັງອາວຸດຂອງສະພາຄວາມໝັ້ນຄົງ, ທ່ານຈ່າງຈູ່ນ ຜູ້ຕາງໜ້າຖາວອນຈີນປະຈຳອົງການສະຫະປະຊາຊາດໄດ້ປະກອບຄຳຄິດເຫັນໂດຍຮຽກຮ້ອງໃຫ້ສະກັດກັ້ນແລະຜ່ອນຄາຍການປະທະກັນດ້ວຍກຳລັງອາວຸດເພື່ອຫຼີກເວັ້ນບໍ່ໃຫ້ເດັກນ້ອຍປະສົບເຄາະຮ້າຍ.
ທ່ານຈ່າງຈູ່ນກ່າວວ່າ, ວິທີພື້ນຖານໃນການປົກປ້ອງເດັກນ້ອຍບໍ່ໃຫ້ປະສົບເຄາະຮ້າຍຈາກການປະທະກັນດ້ວຍກຳລັງອາວຸດກໍ່ແມ່ນສະກັດກັ້ນ ແລະ ຜ່ອນຄາຍການປະທະກັນດ້ວຍກຳລັງອາວຸດ. ຝ່າຍຕ່າງໆຄວນຍຶດໝັ້ນແກ້ໄຂຂໍ້ຂັດແຍ້ງດ້ວຍວິທີເຈລະຈາ ແລະ ປຶກສາຫາລືຢ່າງສະເໝີພາບ, ຫຼີກເວັ້ນບໍ່ໃຊ້ກຳລັງອາວຸດ ຫຼື ຂົ່ມຂູ່ຈະໃຊ້ກຳລັງອາວຸດ. ຄວນເອົາໃຈໃສ່ຕໍ່ການປ້ອງກັນການປະທະກັນໃຫ້ຫຼາຍຂຶ້ນ, ພະຍາຍາມຊຸກຍູ້ຂະບວນວິວັດສັນຕິພາບ ແລະ ພິຈາລະນາເຖິງຄວາມຕ້ອງການພິເສດຂອງເດັກນ້ອຍໃນຂະບວນການດັ່ງກ່າວຢ່າງເຕັມທີ່ ເພື່ອປົກປ້ອງເດັກນ້ອຍບໍ່ໃຫ້ປະສົບເຄາະຮ້າຍຈາກການປະທະກັນ.
ຄຳເຫັນ
0