ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ກຸມພານີ້, ທ່ານສີຈິ້ນຜິງ ປະທານປະເທດຈີນ ໄດ້ສົນທະນາຜ່ານທາງໂທລະສັບກັບທ່ານມູນແຈອິນ ປະທານາທິບໍດີ ສ.ເກົາຫຼີ, ທ່ານສີຈິ້ນຜິງ ກ່າວວ່າ: ການແຜ່ລະບາດຂອງພະຍາດອັກເສບປອດຈາກໄວຣັດໂຄໂຣນາສາຍພັນໃໝ່ມີຜົນກະທົບຕໍ່ການຮ່ວມມືດ້ານເສດຖະກິດການຄ້າແລະການໄປມາຫາສູ່ກັນລະຫວ່າງປະຊາຊົນຂອງສອງປະເທດນັ້ນ ຈະເປັນພຽງແຕ່ໄລຍະຊົ່ວຄາວເທົ່ານັ້ນ. ປັດຈຸບັນ, ບໍ່ພຽງແຕ່ວິສາຫະກິດ ສ.ເກົາຫຼີເທົ່ານັ້ນ, ລວມທັງວິສາຫະກິດປະເທດອື່ນໆພາຍໃນປະເທດຈີນຕ່າງກໍໄດ້ຟື້ນຟູການຜະລິດຄືນໃໝ່ຕາມໆກັນໃນເງື່ອນໄຂທີ່ເຮັດວຽກການປ້ອງກັນແລະຄວບຄຸມພະຍາດໃຫ້ດີ.
ປັດຈຸບັນ, ວິສາຫະກິດຕ່າງປະເທດທີ່ສຳຄັນຢູ່ນະຄອນຊຽງໄຮ້, ແຂວງຊ່ານຕົ່ງ ແລະ ແຂວງຫູໜານເປັນຕົ້ນ ມີ 80% ໄດ້ຟື້ນຟູການຜະລິດຄືນໃໝ່ແລ້ວ, ຄາດວ່າວິສາຫະກິດຕ່າງປະເທດຢູ່ແຫ່ງຕ່າງໆຈະສາມາດຟື້ນຟູການຜະລິດຄືນໃໝ່ໂດຍພື້ນຖານເມື່ອຮອດທ້າຍເດືອນກຸມພາ. ຂະນະທີ່ວິສາຫະກິດຕ່າງປະເທດເລີ່ມຟື້ນຟູການຜະລິດຄືນໃໝ່ ໄດ້ສະແດງໃຫ້ເຫັນເຖິງພະລັງແຮງດຶງດູດອັນມະຫາສານຂອງຕະຫຼາດຈີນທີ່ມີປະຊາກອນ 1,4 ຕື້ຄົນ. ຄວາມຮັບຮູ້ທີ່ເປັນເອກະພາບກັນຂອງວິສາຫະກິດຕ່າງປະເທດຢູ່ຈີນນັ້ນ ຄື: ການແຜ່ລະບາດຂອງພະຍາດມີຜົນກະທົບຕໍ່ເສດຖະກິດຈີນເປັນພຽງໄລຍະໃດໜຶ່ງ ແລະ ເປັນການຊົ່ວຄາວເທົ່ານັ້ນ, ເສດຖະກິດຈີນມີທ່າຂະຫຍາຍຕົວໄປສູ່ທິດທາງທີ່ດີເປັນເວລາຍາວນານຈະບໍ່ມີການປ່ຽນແປງແຕ່ຢ່າງໃດ. ດ້ວຍຄວາມເປັນຈິງແບບນີ້, ຖ້ອຍຄຳຕ່າງໆທີ່ມີຂຶ້ນບາງຄັ້ງຄາວທີ່ວ່າ “ວິສາຫະກິດຕ່າງປະເທດພວມຖອນອອກຈາກຈີນ” ນັ້ນ ມັນເປັນອັນຈະແຈ້ງທີ່ສຸດແລ້ວວ່າມັນເປັນພຽງແຕ່ຖ້ອຍຄຳທີ່ຂາດຫຼັກຖານອ້າງອີງຊື່ໆ.
ຄຳເຫັນ
0