ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ໃນກອງປະຊຸມສະມັດຊາໃຫຍ່ຂອງອົງການອະນາໄມໂລກຄັ້ງທີ 73 ທີ່ຈັດຂຶ້ນໃນວັນທີ 18 ພຶດສະພານີ້, ຜູ້ນຳຈີນຖະແຫຼງ 5 ມາດຕະການໃຫຍ່ຂອງຈີນເພື່ອຊຸກຍູ້ການຮ່ວມມືຕໍ່ຕ້ານພະຍາດໃນໂລກ, ແລະຮຽກຮ້ອງໃຫ້ບັນດາປະເທດຮ່ວມມືກັນສ້າງປະຊາຄົມຮ່ວມຊາຕາກຳສຸຂະພາບມວນມະນຸດ, ເຊິ່ງໄດ້ຮັບຄວາມຊົມເຊີຍຈາກປະຊາຄົມໂລກ.
ເວັບໄຊ “ການເມືອງ” ຂອງອາເມຣິກາລາຍງານວ່າ, ເຖິງວ່າລັດຖະບານທຣຳໄດ້ບັ່ນທອນທຶນຊ່ວຍເຫຼືອຕໍ່ອົງການອະນາໄມໂລກ, ແຕ່ຈີນຍັງຈະສາມັກຄີກັບອົງການອະນາໄມໂລກ ທຳຄວາມພະຍາຍາມເພື່ອຮ່ວມກັນຕໍ່ຕ້ານພະຍາດ.
ເວັບໄຊ “ການເມືອງ” ວິຈານວ່າ: “ຖະແຫຼງການຂອງຈີນມີຄວາມໝາຍທີ່ສຸດ, ໂດຍສະແດງໃຫ້ເຫັນວ່າ ຈີນພວມພະຍາຍາມຮັບປະກັນໃຫ້ບັນດາປະເທດໄດ້ຮັບຢາວັກແຊງກັນພະຍາດໂຄວິດ-19 ຢ່າງສະເໝີພາບກັນ. ໃນຖານະທີ່ເປັນປະເທດໃຫຍ່ດ້ານການຄົ້ນຄວ້າແລະການຜະລິດ, ຈີນຄອງຄອຍ “ເຂົ້າຮ່ວມແລະຊຸກຍູ້ໃຫ້ບັນລຸວິໄສທັດຮ່ວມຂອງທົ່ວໂລກຢ່າງເຕັມສ່ວນ”.
ເວັບໄຊຂອງໂທລະພາບ France 24 ຂອງຝຣັ່ງລາຍງານວ່າ, ຈີນຮັບປະກັນຈະໃຫ້ຢາວັກແຊງທີ່ສຳເລັດການຄົ້ນຄວ້າພັດທະນາແລະລົງນຳໃຊ້ນັ້ນ ເປັນ “ຜະລິດຕະພັນສາທາລະນະທົ່ວໂລກ”, ແລະຈະໃຫ້ການຊ່ວຍເຫຼືອດ້ານການແພດແກ່ປະເທດອື່ນໆ. ປັດຈຸບັນ, ຈີນມີຢາວັດແຊງ 5 ຊະນິດກຳລັງຢູ່ໃນໄລຍະທົດລອງການປິ່ນປົວຄົນເຈັບ, ແລະຍັງຈະມີຫຼາຍໂຄງການຄົ້ນຄວ້າຢາວັກແຊກກຳລັງໄດ້ຮັບການຊຸກຍູ້ຢ່າງສະດວກແລະເປັນລະບຽບ.
ຄຳເຫັນ
0