ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI：ໃນກອງປະຊຸມຂ່າວຂອງກອງປະຊຸມໃຫຍ່ສະພາຜູ້ແທນປະຊາຊົນແຫ່ງຊາດຈີນຄັ້ງທີ 3 ຊຸດທີ 13 ທີ່ໄດ້ໄຂຂຶ້ນໃນຕອນແລງວັນທີ 21 ພຶດສະພານີ້, ທ່ານຈ່າງແຢ້ສຸຍ, ໂຄສົກຂອງກອງປະຊຸມໃຫຍ່ກ່າວໃນເວລາຕອບຄຳຖາມຂອງນັກຂ່າວວ່າ, ການພົວພັນລະຫວ່າງຈີນ-ອາເມລິກາພວມຢູ່ໃນໄລຍະທີ່ສຳຄັນ, ປະຫວັດສາດໄດ້ສະແດງໃຫ້ເຫັນຢ່າງເຕັມທີວ່າ, ຈີນແລະອາເມລິກາຮ່ວມມືກັນມີຜົນປະໂຫຍດຕໍ່ກັນແລະກັນ, ແຕ່ຖ້າຂັດແຍ່ງກັນກໍ່ຈະປະສົບຜົນເສຍຫາຍທັງສອງຝ່າຍ, ການຮ່ວມມືແມ່ນການເລືອກທີ່ຖືກຕ້ອງພຽງດຽວ.
ທ່ານຈ່າງແຢ້ສຸຍກ່າວວ່າ, ຈີນແມ່ນປະເທດທີ່ພວມພັດທະນາທີ່ໃຫຍ່ທີ່ສຸດອາເມລິກາໃນແມ່ນປະເທດທີ່ພັດທະນາທີ່ໃຫຍ່ທີ່ສຸດ, ແລະທັງ 2 ປະເທດເປັນ 2 ອົງກອນເສດຖະກິດໃຫຍ່ທີ່ສຸດໃນໂລກ, ສະນັ້ນ, ການຕິດຕໍ່ພົວພັນດ້ານເສດຖະກິດການຄ້າແລະການໄປມາຫາສູ່ກັນມີຄວາມແໜ້ນແຟ້ນທີ່ສຸດ, ສອງປະເທດມີຜົນປະໂຫຍດຮ່ວມກັນຢ່າງກວ້າງຂວາງ. ການພົວພັນລະຫວ່າງຈີນ-ອາເມລິກາທີ່ພັດທະນາຢ່າງໝັ້ນທ່ຽງ, ສອດຄ່ອງກັບຜົນປະໂຫຍດກົກຮາກລະຫວ່າງປະຊາຊົນສອງປະເທດ, ກໍ່ແມ່ນຄວາມຄອງຄອຍທົ່ວໄປຂອງປະຊາຄົມໂລກ. ຫວັງວ່າອາເມລິກາແລະຈີນຈະກ້າວເດີນໄປຕາມທິດທາງດຽວກັນ, ຮ່ວມກັນຈັດຕັ້ງປະຕິບັດຄວາມເປັນເອກະພາບກັນທີ່ສຳຄັນທີ່ບັນລຸໃນການພົບປະຫຼາຍເທື່ອລະຫວ່າງປະມຸກລັດສອງປະເທດ, ຍຶດໝັ້ນພື້ນຖານທີ່ປະສານສົມທົບກັນ, ຮ່ວມມືກັນແລະມີຄວາມໝັ້ນທ່ຽງ, ເພີ່ມທະວີຄວາມໄວ້ເນື້ອເຊື່ອໃຈກັນ, ບຸກເບີກການຮ່ວມມື, ແກ້ໄຂຄວາມຂັດແຍ່ງກັນຢ່າງເໝາະສົມ, ຊຸກຍູ້ໃຫ້ການພົວພັນລະຫວ່າງສອງປະເທດໄດ້ຮັບການພັດທະນາໄປໜ້າຕາມວົງໂຄຈອນຍຢ່າງຖືກຕ້ອງ.
ຄຳເຫັນ
0