ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ບົດລາຍງານວຽກງານລັດຖະບານທີ່ລັດຖະບານຈີນຍື່ນໃຫ້ກອງປະຊຸມສະພາປະຊາຊົນແຫ່ງຊາດຈີນເພື່ອຄົ້ນຄວ້າພິຈາລະນາໃນວັນທີ 22 ພຶດສະພານີ້ເຜີຍໃຫ້ຮູ້ວ່າ: ປີນີ້, ຈີນຈະສືບຕໍ່ຫຼຸດອາກອນ ແລະຄ່າທຳນຽມຕ່າງໆໃຫ້ຕ່ຳລົງຕື່ມອີກ, ປະຕິບັດນະໂຍບາຍທີ່ມີລັກສະນະຂັ້ນຕອນນັ້ນໃຫ້ເຂັ້ມແຂງກວ່າເກົ່າ, ປະສານສົມທົບກັບການຈັດວາງດ້ານລະບຽບການ, ຊ່ວຍພາກສ່ວນຕ່າງໆໃນຕະຫຼາດແກ້ໄຂຄວາມຫຍຸ້ງຍາກແລະມີການພັດທະນາ, ຄາດວ່າ, ປີນີ້ຈະຫຼຸດອາກອນແລະຄ່າທຳນຽມໃຫ້ວິສາຫະກິດໃຫ້ໜ້ອຍລົງອີກ 2500 ຕື້ກວ່າຢວນ, ສຸດຄວາມສາມາດເພື່ອຊ່ວຍວິສາຫະກິດຕ່າງໆໂດຍສະເພາະແມ່ນວິສາຫະກິດຂະໜາດກາງແລະນ້ອຍ, ວິສາຫະກິດຈູນລະພາກ ແລະນັກທຸລະກິດເອກະຊົນໃຫ້ຜ່ານຜ່າຄວາມຫຍຸ້ງຍາກ. ພ້ອມກັນນັ້ນ, ຈະຊຸກຍູ້ການຫຼຸດຕົ້ນທຶນການຜະລິດແລະດຳເນີນທຸລະກິດຂອງວິສາຫະກິດໃຫ້ຕ່ຳລົງ, ເພີ່ມທະວີຄວາມແຮງໃນການສະໜັບສະໜູນດ້ານການທະນາຄານ, ສົ່ງເສີມໃຫ້ທະນາຄານແບ່ງປັນຜົນກຳໄລໃຫ້ວິສາຫະກິດຢ່າງສົມເຫດສົມຜົນ, ເຮັດໃຫ້ຕົ້ນທຶນໃນການລະດົມທຶນສັງລວມຫຼຸດລົງຢ່າງເດັ່ນຊັດ.
ຄຳເຫັນ
0