ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຂ່າວກ່ຽວກັບກອງປະຊຸມສອງສະພາຈີນທີ່ຈັດຂຶ້ນໃນວັນທີ 24 ພຶດສະພານີ້, ທ່ານຫວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນກ່າວວ່າ: ພະຍາດໂຄວິດ-19 ໄດ້ເຕືອນໃຫ້ພວກເຮົາຮັບຮູ້ຢ່າງເລິກເຊິ່ງວ່າ, ຊີວິດແລະສຸຂະພາບຂອງປະຊາຊົນບັນດາປະເທດບໍ່ເຄີຍພົວພັນຢ່າງໃກ້ຊິດຄືປະຈຸບັນນີ້ຈັກເທື່ອ; ພວກເຮົາກໍບໍ່ເຄີຍສຳນຶກຮູ້ຢ່າງເລິກເຊິ່ງຄືປະຈຸບັນນີ້ວ່າ: ບັນດາປະເທດດຳລົງຊີວິດໃນໂລກໃບດຽວກັນ, ທີ່ຈິງແລ້ວ, ມວນມະນຸດເປັນປະຊາຄົມຮ່ວມຊາຕາກຳອັນດຽວກັນ.
ທ່ານຫວາງຢີ້ຍັງກ່າວຕື່ມວ່າ: ການຫຼິ້ນການເມືອງມີແຕ່ຈະເຮັດໃຫ້ເຊື້ອໄວຣັດສວຍໂອກາດແຜ່ລະບາດກວ້າງອອກ, ການຖືປະເທດບ້ານໃກ້ເຮືອນຄຽງເປັນສັດຕູ ມີແຕ່ຈະຖືກເຊື້ອໄວຣັດໂຈມຕີຕາມໆກັນເທົ່ານັ້ນ, ການປະໝາດວິທະຍາສາດ ມີແຕ່ຈະເຮັດໃຫ້ເຊື້ອໄວຣັດສວຍໂອກາດໄດ້. ປະເທດຕ່າງໆຄວນມີສະຕິທີ່ຢູ່ເໜືອຄວາມແຕກຕ່າງກັນດ້ານພູມສັນຖານ ເຊື້ອຊາດ ປະຫວັດສາດ ວັດທະນະທຳແລະລະບອບສັງຄົມ, ຮ່ວມມືກັນສ້າງປະຊາຄົມຮ່ວມຊາຕາກຳມວນມະນຸດ, ຮ່ວມກັນປົກປັກຮັກສາໜ່ວຍໂລກທີ່ມະນຸດເຮົາເພິ່ງພາອາໄສໄດ້ພຽງແຫ່ງດຽວ. ໃນນັ້ນ, ເປົ້າໝາຍສຳຄັນອັນໜຶ່ງກໍຄື: ເລັ່ງລັດການສ້າງປະຊາຄົມຮ່ວມດ້ານສາທາລະນະສຸກແລະສຸຂະພາບມວນມະນຸດ. ໃນຖານະທີ່ເປັນປະເທດທີ່ມີຄວາມຮັບຜິດຊອບໃນໂລກ, ຈີນຍິນດີປະກອບສ່ວນເຂົ້າໃນວຽກງານດ້ານນີ້.
ຄຳເຫັນ
0