黄理春

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
2020年两会专题_fororder_lianghuibannerxiao

ອາ​ເມ​ຣິ​ກາ​ທີ່ “ມັກ​ຢືນ​ຄຽງ​ຂ້າງ” ປະ​ຊາ​ຊົນ​ປະ​ເທດ​ອື່ນ ເປັນ​ຫຍັງ​ໃນ​ປັດ​ຈຸ​ບັນ​ພັດ “ຢືນຢູ່​ຝ່າຍ​ກົງ​ກັນ​ຂ້າມ​ກັບ” ປະ​ຊາ​ຊົນ​ປະ​ເທດ​ຕົນ​

2020-06-03 17:08:29 cri

ໃນ​ໄລ​ຍະ​ມໍ່ໆ​ມາ​ນີ້, ທ່ານ​ໄມ ພົມ​ເພວ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ອາ​ເມ​ຣິ​ກາ​ປ່າວ​ປະ​ກາດ​ວ່າ​ ຈະ “ຢືນ​ຢູ່​ຄຽງ​ຂ້າງ​ປະ​ຊາ​ຊົນ​ຮົງ​ກົງ”, ນີ້​ບໍ່​ແມ່ນ​ນັກ​ການ​ເມືອງ​ອາ​ເມ​ຣິ​ກາ​ປ່າວ​ປະ​ກາດ​ຈະ​ “ຢືນ​ຄຽງ​ຂ້າງ​ປະ​ຊາ​ຊົນ” ຂອງ​ປະ​ເທດ​ອື່ນ​ເປັນ​ຄັ້ງ​ທຳ​ອິດ​. ກ່ອນ​ໜ້າ​ນີ້, ທ່ານ​ນາງ​ຮິວ​ລາ​ຣີ ຄຼິນ​ຕັນ ອະ​ດີດ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ອາ​ເມ​ຣິ​ກາ ​ກໍ​ເຄີຍ​ກ່າວ​ວ່າ, ຈະ​ຢືນ​ຄຽງ​ຂ້າງ​ປະ​ຊາ​ຊົນ​ລີ​ບີ, ຊີ​ຣີ, ອີ​ຣັກ ແລະ ເຢ​ເມນ.

ແຕ່​ວ່າ, ນັກ​ການ​ເມືອງ​ອາ​ເມ​ຣິ​ກາ ​ທີ່​ມັກ​ກ່າວ​ຄຳ​ທີ່​ວ່າ: “ຢືນຄຽງ​ຂ້າງ” ກັບ​ປະ​ຊາ​ຊົນ​ປະ​ເທດ​ອື່ນ​ເປັນ​ພິ​ເສດ​ນັ້ນ,​ ປັດ​ຈຸ​ບັນ​ນີ້, ພັດ​ໄດ້​ຢືນ​ຢູ່​ຝ່າຍ​ກົງ​ກັນ​ຂ້າມ​ກັບ​ປະ​ຊາ​ຊົນ​ປະ​ເທດ​ຕົນ. ​ເມື່ອເຈົ້າ​ໜ້າ​ທີ່​ຕຳຫຼວດ​ລັດ​ເມນ​ເນ​ໂຊ​ຕາ​ອາ​ເມ​ຣິ​ກາ​ ໄດ້​ເຕັງ​ຄໍ​ທ້າວ​ຈອສ ຟ​ລອຍ ທີ່​ເປັນ​ຄົນ​ຜິວ​ດຳ​​ຈົນ​ເສ​ຍ​ຊີ​ວິດ ​ຈິ່ງ​ເຮັດ​ໃຫ້​ເກີດ​​​ມີການ​ປະ​ທ້ວງ​ໃນ​ທົ່ວ​ປະ​ເທດ​ອາ​ເມ​ຣິ​ກາ, ທ່ານ​ໂດ​ໂນ ທ​ຣຳ ປະ​ທາ​ນາ​ທິ​ບໍ​ດີ​ອາ​ເມ​ຣິ​ກາ​ກ່າວ​ຢ່າງ​ຈະ​ແຈ້ງວ່າ: “ຖ້າ​ພວກ​ປະ​ທ້ວງ​ເລີ່​ມ​ມີ​ການ​ປຸ້ນ​ຈີ້, ​ສົມ​ຄວນຖືກ​ຍິງ.” ຫຼັງ​ຈາກ​ນັ້ນ, ເຈົ້າ​ໜ້າ​ທີ່​ທະ​ຫານ​ແລະ​ຕຳຫຼວດ​ອາ​ເມ​ຣິ​ກາ​ໄດ້​ໃຊ້​ກຳ​ລັງ​ອາ​ວຸດ, ປາບ​ປາມ​ການ​ປະ​ທ້ວງ​ຂອງ​ປະ​ຊາ​ຊົນ, ສຽງ​ປືນ​ດັງ​ຂຶ້ນ​ຢູ່​ບໍ່​ເຊົາ​ ຕາມ​ທ້ອງ​ຖະ​ໜົນ​ອາ​ເມ​ຣິ​ກາ, ລົດ​ຕຳຫຼວດ​ໄດ້​ແລ່ນ​ຕຳ​ໃສ່​ຝູງ​ຄົນ, ເຈົ້າ​ໜ້າ​ທີ່​ຕຳຫຼວດ​ໄດ້​ຂີ່​ມ້າ​ຢຽບ​ປະ​ຊາ​ຊົນ, ໄດ້​ກາຍ​ເປັນ “ພາບ​​ທີ່​ສວຍ​ງາມ​ຢູ່​ຕາມ​ທ້ອງ​ຖະ​ໜົນ” ​ເໝືອນ​ດັ່ງ​ສະ​ພາບທີ່​ອາ​ເມ​ຣິ​ກາ​ເຄີຍ​ໄດ້​ວາດ​ພາບ​ການ​ປະ​ທ້ວງ​ທີ່​ເຄີຍ​ເກີດ​ຂຶ້ນ​ຢູ່​ປະ​ເທດ​ອື່ນ.

ປະ​ເທດ​ທີ່​​ມີນັກ​ການ​ເມືອງ​ອາ​ເມ​ຣິ​ກາ​ “ຢືນ​ຢູ່​ຄຽ​ງ​ຂ້າງ” ນັ້ນ, ເຊັ່ນ: ອີ​ຣັກ, ອັ​ຟ​ກາ​ນິ​ສະ​ຖານ, ຊີ​ຣີ, ລີ​ບີ ແລະ ອູ​ແກ​ຣນ​ເປັນ​ຕົ້ນ, ບາງ​ປະ​ເທດ​ຖືກ​ຈູດ​ເຜົາ, ບາງ​ປະ​ເທດ​ກາຍ​ເປັນ​ສະ​ໜາມ​ຮົບ, ຍັງ​ມີ​ປະ​ຊາ​ຊົນ​ບາງ​ປະ​ເທດ​ ຈຳ​ເປັນ​ຕ້ອງ​ຊັດ​ເຊ​ພະ​ເນ​ຈອນ ແລະ ຕົກ​ທຸກ​ໄດ້​ຍາກ. ອາ​ເມ​ຣິ​ກາ​ໄດ້​ໃຊ້​ໄມ້​ຄ້ອນ ​ໂຈມ​ຕີ​ການ​ຕໍ່​ສູ້​ຂອງ​ເຊື້ອ​ຊາດ​ສ່ວນໜ້ອຍ​ຂອງ​ປະ​ເທດ​ຕົນ ໃນ​ການ​ຍາດ​ແຍງ​ສິດ​ສະ​ເໝີ​ພາບ ເຊິ່ງ​ໄດ້​ສ່ອງ​ແສງ​ໃຫ້​ເຫັນ​ສອງ​ມາດ​ຕະ​ຖານ​ຂອງ​ນັກ​ກ​ານ​ເມືອງ​ອາ​ເມ​ຣິ​ກາ​ຢ່າງ​ຈະ​ແຈ້ງ, ນັ້ນ​ກໍ​ຄື: ໃນ​ຂະ​ນະ​ທີ່​ຜົນ​ປະ​ໂຫຍດ​ຂອງ​ຕົນ​ຖືກ​ຂົ່ມ​ຂູ່, ນັກ​ການ​ເມືອງ​ອາ​ເມ​ຣິ​ກາ​ມີ​ພຽງ​ແຕ່​ຈະ​ຢືນ​ຢູ່​ຄຽງ​ຂ້າງ​​ຝ່າຍຕົນ, ຫາກ​ບໍ່​ແມ່ນ​ຢືນ​ຢູ່​ຄຽງ​ຂ້າງ​ປະ​ຊາ​ຊົນ.

ວັນ​ທີ 1 ມິ​ຖຸ​ນາ​ນີ້​ຕາມ​ເວ​ລາ​ທ້ອງ​ຖິ່ນ, ທ່ານ​ຮຸນ​ເຊັນ ນາ​ຍົກ​ລັດ​ຖະ​ມົນ​ຕີ​ກຳ​ປູ​ເຈຍ ​ກ່າວ​ໃນ​ກອງ​ປະ​ຊຸມ​ສຳຫຼວດກວດ​ເບິ່ງ​ຖະ​ໜົນ​ໃນ​ເມືອງ​ຢູ່​ແຂ​ວງ​ສີ​ຫາ​ນຸ​ວ່າ: ສິດ​ທິ​ມະ​ນຸດ​ຢູ່​ໃສ? ໃນ​ຂະ​ນະ​ທີ່​ກຳ​ປູ​ເຈຍ​ແກ້​ໄຂ​ເລື່ອງ​ປະ​ທ້ວງ​ນັ້ນ, ພວກ​ເຂົາ​ເວົ້າ​ວ່າ: ກຳ​ປູ​ເຈຍ​ໄດ້​ຢຽບ​ຢ່ຳ​ສິດ​ທິ​ມະ​ນຸດ. ໃນ​ຂະ​ນະ​ທີ່​ພວກ​ເຂົາ ​ປາບ​ປາມ​ການ​ປະ​ທ້ວງ, ພວກ​ເຂົາ​​ພັດເວົ້າ​ວ່າ: ນີ້​​ ແມ່ນ​ເພື່ອຮັກ​ສາ​ຄວາມ​ໝັ້ນ​ຄົງ​ທາງ​ສັງ​ຄົມ. ເປັນ​ຫຍັງຈິ່ງ​ມີ​ຖ້ອຍ​ຄຳ​ຕ່າງ​ກັນຫຼາຍ​ປານ​ນັ້ນ? ເວົ້າ​ໃສ່​ຈີນ​ກໍ​ເຊັ່ນ​ດຽວ​ກັນ, ໃນ​ເມື່ອ​ນະ​ຄອນ​ອູ​ຮັ້ນ “ປິດ​ເມືອງ” ເພື່ອ​ຕ້ານ​ກັບ​ການ​ແຜ່​ລະ​ບາດ​ຂອງ​ພະ​ຍາດ, ພວກ​ເຂົາ​ເວົ້າ​ວ່າ: ຈີນ​ໄດ້​ລ່ວງ​ລະ​ເມີດ​ສິດ​ທິ​ມະ​ນຸດ. ໃນ​ເມື່ອ​ປະ​ເທດ​ຕາ​ເວັນ​ຕົກ​ປິດ​ເມືອງ, ພວກ​ເຂົາ​ພັດເວົ້າ​ວ່າ: ນີ້​ແມ່ນ​ປ້ອງ​ກັນ​ການ​ແຜ່​ລະ​ບາດ​ຂອງ​ພະ​ຍາດ. ນີ້​ເປັນ​ການ​ໃຊ້ “ສອງ​ມາດ​ຕະ​ຖານ” ຈົນ​ວ່າ “ສາມ​ມາດ​ຕະ​ຖານ” ທີ່​ເປີດ​ແປນ​ທີ່​ສຸດ.

ຄຳ​ເຫັນ

0