ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CMG: ຕາມຂໍ້ມູນສະຖິຕິຂອງໜັງສືພິມ “ນິວຢວກ ທາມສິີ໊”, ໃນທົ່ວອາເມຣິກາ, ມີ 29 ລັດປະກົດມີກໍລະນີຕິດພະຍາດໂຄວິດ-19 ເພີ່ມຂຶ້ນໃໝ່ໃນ 14 ມື້ທີ່ຜ່ານມາ, ພາຍຫຼັງລັດຕ່າງໆທະຍອຍກັນຍົກເລີກຄຳສັ່ງ “ກັກຕົວຢູ່ເຮືອນ” ແລະຟື້ນຟູການເຮັດວຽກແລະການຜະລິດແລ້ວ, ສະພາບໂຄວິດ-19 ໄດ້ປະກົດມີການຟື້ນຕົວຄືນຢ່າງໃຫຍ່. ສະພາບການຟື້ນຕົວຄືນອັນຂ້ຽວຂາດດັ່ງກ່າວໄດ້ເຮັດໃຫ້ເຈົ້າໜ້າທີ່ອາເມຣິກາຫຼາຍທ່ານພາກັນກ່າວຄຳເຕືອນຢ່າງເຄັ່ງຂຶມ.
ວັນທີ 28 ມິຖຸນານີ້, ທ່ານອາເລັສ ອາຈາ ລັດຖະມົນຕີກະຊວງສາທາລະນະສຸກແລະການບໍລິການມວນຊົນອາເມຣິກາກ່າວເຕືອນວ່າ: ແຕ່ລະຄົນຕ້ອງໃຊ້ການກະທຳທີ່ມີຄວາມຮັບຜິດຊອບ, ພວກເຮົາຕ້ອງການຮັກສາໄລຍະຫ່າງໃນເວລາຕິດຕໍ່ພົວພັນ, ຖ້າຫາກບໍ່ສາມາດຮັກສາໄລຍະຫ່າງນັ້ນ ພວກເຮົາກໍ່ຕ້ອງໃສ່ຜ້າປິດປາກ, ໂດຍສະເພາະໃນເຂດທີ່ມີສະພາບແຜ່ລະບາດຢ່າງໜັກໜ່ວງ.
ວັນທີ 28 ມິຖຸນານີ້, ທ່ານອັນຕລູ ໂຄໂມ ເຈົ້າຄອງລັດນິວຢວກກໍ່ກ່າວເຕືອນວ່າ: ຖ້າປ່ອຍປະໃຫ້ສະພາບພະຍາດສືບຕໍ່ຮ້າຍແຮງຂຶ້ນ, ອາເມຣິກາຈະປະສົບວິກິດການແຫ່ງຊາດທີ່ບໍ່ເຄີຍມີມາກ່ອນ.
ຄຳເຫັນ
0