ຕ​າມ​ຂ່າວCRI：ຍ້ອນ​ໄດ້​ຮັບ​ຜົນ​ສະ​ທ້ອນ​ຈາກຄວາມ​ດັນ​ດ້ານຕົ້ນ​ທຶນ​ຫຼຸດ​ລົງ, ຄວາມ​ຕ້ອງ​ການ​ຂອງ​ຕະ​ຫຼາດ​ເພີ່ມ​ຂຶ້ນ, ນະ​ໂຍ​ບາຍສະ​ໜັບ​ສະ​ໜູນ​ທີ່​ກ່ຽວ​ຂ້ອງເລີ່​ມ​ມີ​ຜົນ​ສັກ​ສິດແລະ​ປັດ​ໄຈ​ທີ່​ມີ​ຜົນ​ປະ​ໂຫຍດ​ຕ່າງໆ, ໃນ​ເດືອນ​ພຶດ​ສະ​ພາ, ຂະ​ແໜງ​ການ​ປຸງ​ແຕ່ງ​ນ້ຳ​ມັນ​ເຊື້ອ​ໄຟ, ພະ​ລັງ​ງານ​ໄຟ​ຟ້າ, ອຸດ​ສາ​ຫະ​ກຳ​ເຄ​ມີ, ເຫຼັກ​ກ້າ​ແລະ​ຂະ​ແໜງ​ການ​ທີ່​ສຳ​ຄັນ​ອື່ນໆ​ມີ​ກຳ​ໄລ​ດີ​ຂຶ້ນ​ຢ່າງ​ເດັ່ນ​ຊັດ.

  ສ​ະ​ເພາະຂອງຂະ​ແໜງ​ການ​ການ​ປຸງ​ແຕ່ງ​ນ້ຳ​ມັນ​ເຊື້ອ​ໄຟ​ໄດ້​​ຈາກ​ການຂາດ​ທຶນ​ໃນ​ເດືອນ​ເມ​ສາປີ 2020 ​​ປ່ຽນ​ເປັນ​​ໄດ້​ກຳ​ໄລ 11 ຕື້ 620 ລ້ານຢວນ​ໃນ​ເດືອນ​ພຶດ​ສະ​ພາປີ 2020, ເພີ່ມ​ຂຶ້ນ 8，9% ຖ້າ​ທຽບ​ກັບ​ເດືອນ​ພຶດ​ສະ​ພາ​ໃນ​ປີ 2019. ​ຂະ​ແໜງ​ການ​ພະ​ລັງ​ງານ​ໄຟ​ຟ້າ​ໃນ​ເດືອນ​ເມ​ສາ​ປີ 2020 ​ຫຼຸດ​ລົງ 15，7% ຖ້າ​ທຽບ​ກັບເດືອນ​ເມ​ສາ​ປີ 2019, ມາ​ຮອດ​ເດືອນ​ພຶດ​ສະ​ພາ​ໄດ້​ເພີ່ມ​ຂຶ້ນ 10，9% ຖ້າ​ທຽບ​ກັບ​ເດືອນ​ພຶດ​ສະ​ພາ​ປີ 2019, ການ​ຫຼຸດ​ລົງ​ດ້ານ​ກຳ​ໄລ​ຂອງ​ຂະ​ແໜງ​ການ​ອຸດ​ສາ​ຫະ​ກຳ​ເຄ​ມີ​, ​ເຫຼັກ​ກາແລະ​ຂະ​ແໜງ​ການ​ອື່ນໆ​ກໍ​ໄດ້​ໜ້ອຍ​ລົງ​ກວ່າ​ເກົ່າ.