ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນວັນທີ9ກໍລະກົດຕາມເວລາທ້ອງຖິ່ນ, ວາລະສານ ເດີ ແລນເຊັດ ເຊິ່ງເປັນວາລະສານທີ່ມີຊື່ສຽງດ້ານການແພດຂອງອັງກິດໄດ້ພິມບົດຄວາມພ້ອມລາຍເຊັນຂອງຜູ້ຊ່ຽວຊານອາເມຣິກາຫຼາຍທ່ານ, ໂດຍລະບຸວ່າ: ອາເມຣິກາຖອນອອກຈາກອົງການອະນາໄມໂລກ ຫຼື WHO ແມ່ນຜິດກົດໝາຍ, ທັງເປັນໄພຂົ່ມຂູ່ຕໍ່ສຸຂະພາບແລະຄວາມປອດໄພຂອງທົ່ວໂລກແລະອາເມຣິກາເອງ.
ໃນບົດຄວາມ,ຜູ້ຊ່າວຊານທີ່ມາຈາກອົງການຕ່າງໆເຊັ່ນ ມະຫາວິທະຍາໄລຈອດທາວຂອງອາເມຣິກາ, ມະຫາວິທະຍາໄລແຢວ, ສະຖາບັນການແພດແຫ່ງຊາດ, ສະມາຄົມສາທາລະນະສຸກອາເມຣິກາໄດ້ພ້ອມກັນກ່າວວ່າ:ອາເມຣິກາເຂົ້າຮ່ວມ WHO ຫຼັງຈາກລັດຖະສະພາອາເມຣິກາຜ່ານການຮັບຮອງມະຕິຂອງ ອົງການສະຫະປະຊາຊາດເມື່ອປີ1948,ມະຕິດັ່ງກ່າວໄດ້ຮັບການສະໜັບສະໜູນຈາກລັດຖະບານອາເມຣິກາທຸກຊຸດຜ່ານມາ. ປັດຈຸບັນ ລັດຖະບານອາເມຣິກາຖອນອອກຈາກ WHO ແຕ່ຝ່າຍດຽວ ໄດ້ລະເມີດກົດໝາຍອາເມຣິກາ,ເພາະວ່າບໍ່ໄດ້ຮັບການອະນຸຍາດຢ່າງຈະແຈ້ງຈາກລັດຖະສະພາອາເມຣິກາ. ອີກດ້ານໜຶ່ງ,ກົດໝາຍລະບຸໄວ້ວ່າ:ອາເມຣິກາຕ້ອງປະຕິບັດພັນທະທາງການເງິນປະຈຳປີ,ອາເມຣິກາຕ້ອງຈ່າຍເງິນອຸດໜູນໃຫ້ແກ່ WHO ກ່ອນທ້າຍປີ2021.
ບົດຄວາມຂຽນວ່າ,ອາເມຣິກາຖອນອອກຈາກ WHOຈະເກີດຜົນຮ້າຍອັນໜັກໜ່ວງຕໍ່ຄວາມໝັ້ນຄົງ, ການຕ່າງປະເທດແລະອິດທິພົນຂອງອາເມຣິກາ. ຍ້ອນວ່າ WHOມີອິດທິພົນຫຼາຍໃນທົ່ວໂລກ,ແລະກໍເປັນເລື່ອງຍາກທີ່ອາເມຣິກາຈະໂດດດ່ຽວຕົນເອງຈາກການຄຸ້ມຄອງແລະການວາງແຜນຂອງ WHO ຢ່າງແທ້ຈິງ. ຖ້າວ່າການພົວພັນລະຫວ່າງສອງຝ່າຍຫາກສິ້ນສຸດລົງ,ຍຸດທະສາດດ້ານສາທາລະນະສຸກທົ່ວໂລກຂອງອາເມຣິກາຈະໄດ້ຮັບຜົນຮ້າຍອັນໜັກໜ່ວງໃນດ້ານການຮັບມືກັບການແຜ່ລະບາດຂອງພະຍາດໃນທົ່ວໂລກຢ່າງວ່ອງໄວ.
ສຸດທ້າຍບົດຄວາມຂຽນວ່າ,ຫຼັງຈາກຖອນອອກຈາກ WHO ແລ້ວ,ອາເມຣິກາຈະເປັນຄົນນອກເທົ່ານັ້ນໃນການຊຸກຍູ້ການປະຕິຮູບທີ່ສຳຄັນທີ່ມີອິດທິພົນຕໍ່ທົ່ວໂລກ. ໃນໂລກຫຼາຍຂົ້ວ, ເມື່ອບໍ່ມີພັນທະຕາມສັນຍາ ກໍໝາຍຄວາມວ່າອາເມຣິກາຈະເສຍໂອກາດທີ່ຈະຮ່ວມມືກັບປະເທດອື່ນໆ.
ຄຳເຫັນ
0