ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ກໍລະກົດນີ້, ທ່ານລີຊຽນລົງ ນາຍົກລັດຖະມົນຕີສິງກະໂປໄດ້ເປີດເຜີຍບັນຊີລາຍຊື່ຄະນະລັດຖະບານຊຸດໃໝ່, ທ່ານເອງຈະສືບຕໍ່ດຳລົງຕຳແໜ່ງນາຍົກລັດຖະມົນຕີ, ຄະນະລັດຖະບານຊຸດໃໝ່ຈະສາບານຕົວຂຶ້ນດຳລົງຕຳແໜ່ງໃນວັນທີ 27 ກໍລະກົດນີ້.
ທ່ານລີຊຽນລົງກ່າວວ່າ: ເຈົ້າໜ້າທີ່ລັດຖະບານສາມາດດຳລົງຕຳແໜ່ງຕໍ່ໄປ ໄດ້ກໍເປັນການເສີມຂະຫຍາຍບົດບາດສຳຄັນໃນການຮັບມືຕ້ານກັບການແຜ່ລະບາດຂອງພະຍາດໂຄວິດ-19. ດັ່ງນັ້ນ, ລັດຖະມົນຕີສ່ວນຫຼາຍຍັງຈະສືບຕໍ່ດຳລົງຕຳແໜ່ງອີກ. ຫວັງວ່າ: ຜ່ານຈາກການສັບຊ້ອນໜ້າທີ່ຕຳແໜ່ງ, ຈະເປັນການຊ່ວຍລັດຖະມົນຕີຜູ້ໜຸ່ມແໜ້ນໃຫ້ສາມາດຮັບຮູ້ວຽກງານຂອງລັດຖະບານໄດ້ດີກວ່າເກົ່າ.
ສິງກະໂປໄດ້ຈັດການເລືອກຕັ້ງສະພາແຫ່ງຊາດເປັນຄັ້ງທີ 13 ໃນວັນທີ 10 ກໍລະກົດນີ້ພາຍຫຼັງປະກາດເປັນເອກະລາດ. ພັກເຄື່ອນໄຫວເພື່ອປະຊາຊົນ ທີເປັນພັກກຳອຳນາດຂອງສິງກະໂປສາມາດຍາດໄດ້ 83 ທີ່ນັ່ງໃນຈຳນວນ 93 ທີ່ນັ່ງໃນສະພາແຫ່ງຊາດ ເຊິ່ງມີສິດປະກອບຄະນະລັດຖະບານຊຸດໃໝ່.
ຄຳເຫັນ
0