ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 30 ກໍລະກົດນີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ປັກກິ່ງວ່າ: ຫວ່າງມໍ່ໆມານີ້, ການນຳຂັ້ນສູງຂອງຈີນແລະເອີຣົບໄດ້ມີການແລກປ່ຽນຄວາມຄິດເຫັນຢ່າງໃກ້ຊິດແລະແໜ້ນແຟ້ນ ເຊິ່ງໄດ້ສະແດງໃຫ້ເຫັນເຖິງຄວາມຕັດສິນໃຈທາງການເມືອງແລະຄວາມສາມາດໃນການປະຕິບັດງານຂອງສອງຝ່າຍໄປໃນທິດທາງທີ່ຕັ້ງໜ້າເພື່ອຈັດຕັ້ງປະຕິບັດຄວາມເຫັນທີ່ເປັນເອກະພາບກັນອັນສຳຄັນຂອງການພົບປະເຈລະຈາລະຫວ່າງຜູ້ນຳຈີນ-ສະຫະພາບເອີຣົບຄັ້ງທີ 22, ນີ້ຈະເປັນການປະກອບສ່ວນເຂົ້າໃນການປົກປັກຮັກສາສັນຕິພາບ, ການພັນທະນາແລະຄວາມຈະເລີນຮຸ່ງເຮືອງຂອງທົ່ວໂລກໃນຍຸກໃໝ່ຫຼັງພະຍາດໂຄວິດ-19ສິ້ນສຸດລົງ.
ທ່ານວ່າງເວີນປິ່ນກ່າວເນັ້ນວ່າ: ນັບແຕ່ສະພາບພະຍາດໂຄວິດ-19ເກີດຂຶ້ນເປັນຕົ້ນມາ, ຈີນແລະເອີຣົບໄດ້ຖືເອົາຈິດໃຈທີ່ຮ່ວມທຸກຮ່ວມສຸກ ແລະຮ່ວມມືກັນຜ່ານຜ່າຄວາມຫຍຸ້ງຍາກ, ສະໜັບສະໜູນແລະຊ່ວຍເຫຼືອເຊິ່ງກັນແລະກັນຢ່າງສະເໝີຕົ້ນສະເໝີປາຍ, ຮັກສາການແລກປ່ຽນແລະການຮ່ວມມືຢ່າງໃກ້ຊິດ. ຕໍ່ໄປພາຍໜ້ານີ້, ຈີນແລະເອີຣົບຍັງຈະມີການແລກປ່ຽນການໄປມາຫາສູ່ກັນລະຫວ່າງການນຳຂັ້ນສູງ ແລະຈະມີຫຼາຍຂົງເຂດຂອງການຮ່ວມມືຕ້ອງໄດ້ຮັບການຊຸກຍູ້ໃຫ້ກ້າວໄປໜ້າ, ຈີນຍິນດີຮ່ວມກັບເອີຣົບ ສືບຕໍ່ເຄົາລົບຫຼັກການທີ່ເຄົາລົບເຊິ່ງກັນແລະກັນ, ສະແຫວງຫາສິ່ງທີ່ຄືກັນແລະສະຫງວນສິ່ງທີ່ຕ່າງກັນ, ຮັກສາການແລກປ່ຽນແລະການປະສານງານຢ່າງໃກ້ຊິດ, ຮ່ວມກັນຊຸກຍູ້ໃຫ້ການພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນ-ເອີຣົບກ້າວຂຶ້ນສູ່ລະດັບໃໝ່ ເພື່ອປະກອບສ່ວນເຂົ້າໃນສັນຕິພາບ, ການພັດທະນາແລະຄວາມຈະເລີນຮຸ່ງເຮືອງໃນຍຸກໃໝ່ຫຼັງສະພາບພະຍາດໂຄວິດ-19ສິ້ນສຸດລົງ.
ຄຳເຫັນ
0