ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ໃນກອງປະຊຸມສຳມະນາກັບບຸກຄົນນອກພັກ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນກ່າວເນັ້ນວ່າ, ຕ້ອງຮັບຮູ້ສະພາບການເສດຖະກິດປະຈຸບັນຢ່າງຖືກຕ້ອງ, ລົງເລິກສຳຫຼວດຄົ້ນຄວ້າ, ຊຸກຍູ້ການລົງເລິກການປະຕິຮູບຢ່າງຮອບດ້ານດ້ວຍຄວາມເຂັ້ມແຂງຫຼາຍກວ່າເກົ່າ, ຕັ້ງໜ້າຜ່ານຜ່າຄວາມຫຍຸ້ງຍາກທຸກປະການທີ່ຜະເຊີນຢູ່ໃນການພັດທະນາ, ແກ້ໄຂຄວາມສ່ຽງ ສິ່ງທ້າທາຍ ແລະ ຄວາມກົດດັນອັນໃຫຍ່ຫຼວງຈາກທຸກດ້ານ, ເຕົ້າໂຮມຄວາມຮັບຮູ້ຮ່ວມກັນຢ່າງກວ້າງຂວາງ ແລະເຕົ້າໂຮມກຳລັງແຮງທີ່ເຂັ້ມແຂງເພື່ອຊຸກຍູ້ການພັດທະນາ ການປະຕິຮູບ ແລະ ເອົາຊະນະຄວາມສ່ຽງ ສິ່ງທ້າທາຍທຸກປະການ. ຈີນມີຄວາມຕັດສິນໃຈຢ່າງເດັດຂາດ ມີຈິດໃຈທີ່ເຂັ້ມແຂງແລະເດັດດ່ຽວ ມີກຳລັງສັງລວມແຫ່ງຊາດທີ່ເຂັ້ມແຂງໃນການຮັບມືກັບສິ່ງທ້າທາຍ, ມີຄວາມໝັ້ນໃຈ ຄວາມສາມາດ ແລະ ມີສະຕິປັນຍາພຽງພໍໃນການເອົາຊະນະຄວາມສ່ຽງ ແລະ ສິ່ງທົດສອບທຸກປະການ, ບໍ່ວ່າປະເທດໃດໆ ຫຼື ບຸກຄົນໃດໆກໍບໍ່ສາມາດກີດຂວາງບາດກ້າວເດີນທາງປະຫວັດສາດເພື່ອຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ.
ທ່ານສີຈິ້ນຜິງໄດ້ສະເໜີຄວາມມຸ່ງຫວັງ 3 ຂໍ້ຕໍ່ພັກການເມືອງປະຊາທິປະໄຕຕ່າງໆ, ສະຫະພັນອຸດສາຫະກຳການຄ້າ ແລະ ບຸກຄົນທີ່ບໍ່ສັງກັດພັກການເມືອງໃດໆ, ຄື: ໜຶ່ງ, ຕ້ອງມີທ່າທີທີ່ຮອບດ້ານ ສັດຈະວິພາກ ແລະ ມີວິໄສທັດການພັດທະນາຕໍ່ກັບຄວາມຫຍຸ້ງຍາກ ແລະ ສິ່ງທ້າທາຍທີ່ພົບພໍ້ໃນການພັດທະນາເສດຖະກິດ, ນຳພາສະມາຊິກອັນໄພສານຮັກສາຄວາມໝັ້ນໃຈ ແລະ ຄວາມຕັດສິນໃຈຢ່າງເດັດຂາດ, ປະກອບສ່ວນອັນໃໝ່ເຂົ້າໃນການພັດທະນາເສດຖະກິດຢ່າງຕໍ່ເນື່ອງ ແລະ ປອດໃສ. ສອງ ແມ່ນສຸມໃຈໜ້າທີ່ເປົ້າໝາຍ, ສຸມໃສ່ບັນຫາສຳຄັນໃນການພັດທະນາເສດຖະກິດສັງຄົມແຫ່ງຊາດ, ເສີມຂະຫຍາຍທ່າແຮງຂອງຕົນ, ເສີມຂະຫຍາຍຄວາມຫ້າວຫັນ ແລະ ຫົວຄິດປະດິດສ້າງຂອງອົງການຈັດຕັ້ງທຸກຂັ້ນ ແລະ ຜູ້ມີຄວາມຮູ້ຄວາມສາມາດທຸກດ້ານ, ປະສານສົມທົບການນຳໃຊ້ຊັບພະຍາກອນມະນຸດ ແລະ ຄັງປັນຍາທຸກປະເພດ, ສະເໜີຂໍ້ຄິດເຫັນ ແລະ ຂໍ້ສະເໜີທີ່ມີຫົວຄິດປະດິດສ້າງ ແລະ ມີຄຸນຄ່າຕົວຈິງ, ປະກອບສ່ວນຮັບຮູ້ການພັດທະນາທີ່ມີຄຸນນະພາບສູງ. ສາມ, ຕ້ອງເພີ່ມທະວີການນຳພາດ້ານແນວຄິດ, ນຳພາສະມາຊິກອັນໄພສານຮັບຮູ້ຄວາມຂັດແຍ່ງ ແລະ ບັນຫາທີ່ເກີດຂຶ້ນໃນການລົງເລິກການປະຕິຮູບ ແລະ ການພັດທະນາຢ່າງຖືກຕ້ອງ,ຮັບຮູ້ຄວາມສ່ຽງ ແລະ ສິ່ງທ້າທາຍທັງພາຍໃນ ແລະ ຕ່າງປະເທດຢ່າງຖືກຕ້ອງ, ເຮັດວຽກເພື່ອອະທິບາຍບັນຫາຢ່າງຈະແຈ້ງ ເພື່ອໃຫ້ຈິດໃຈສະຫງົບລົງ ແລະ ແກ້ໄຂຄວາມຂັດແຍ່ງນັ້ນໃຫ້ດີ.
ຄຳເຫັນ
0