ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 31 ກໍລະກົດນີ້, ພິທີ ສຳເລັດການສ້າງ ແລະເປີດບໍລິການ ລະບົບນຳທາງດ້ວຍດາວທຽມ “ເປີຍໂຕວ 3”ໄດ້ຈັດຂຶ້ນຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນໄດ້ເຂົ້າຮ່ວມພິທີດັ່ງກ່າວ ໂດຍກ່າວປະກາດການເປີດບໍລິການຂອງລະບົບນຳທາງດ້ວຍດາວທຽມ “ເປີຍໂຕວ 3” ຢ່າງເປັນທາງການ.
ຂໍ້ມູນສະແດງໃຫ້ເຫັນວ່າ, ປີ 1994, ຈີນໄດ້ເລີ່ມສ້າງລະບົບນຳທາງດ້ວຍດາວທຽມ “ເປີຍໂຕວ”. ພາຍໃນໄລຍະເວລາ 26 ປີ, ຈີນໄດ້ປະຕິບັດງານໃນການສົ່ງດາວທຽມເປີຍໂຕວ 44 ເທື່ອຢູ່ສູນສົ່ງດາວທຽມຊີ່ຊ່າງ. ປີ 2020, ລະບົບເປີຍໂຕວ 3 ໄດ້ສ້າງສຳເລັດຢ່າງຮອບດ້ານ, ເຊິ່ງຈະເປີດກວ້າງການບໍລິການໄປສູ່ທົ່ວໂລກ, ໃຫ້ການບໍລິການກຳນົດທີ່ຕັ້ງທີ່ມີຄວາມແມ່ນຢຳສູງໃນຂອບເຂດ 10 ແມັດແກ່ລູກຄ້າທົ່ວໂລກ.
ປະຈຸບັນ, ມີ137 ປະເທດ ແລະ ເຂດແຄວ້ນໃນໂລກໄດ້ເຊັນສັນຍາຮ່ວມມືກັບລະບົບນຳທາງດ້ວຍດາວທຽມເປີຍໂຕວ.
ຄຳເຫັນ
0