ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ການປ້ອງກັນແລະຄວບຄຸມພະຍາດໂຄວິດ-19ຢູ່ຮົງກົງມີສະພາບອັນຂ້ຽວຂາດ, ໂດຍຕອບສະໜອງຕາມຄຳຮ້ອງຂໍຂອງອົງການປົກຄອງເຂດບໍລິຫານພິເສດຮົງກົງ ແລະມີການວາງແຜນແລະການບັນຊາການຂອງສູງກາງ, ຄະກຳມະການສາທາລະນະສຸກແຫ່ງຊາດຈີນໄດ້ຈັດຕັ້ງໜ່ວຍງານ ຊ່ວຍກວດນິວໄຄຼອິກຫາເຊື້ອໄວຮັດໂຄວິດ-19ແຜ່ນດິນໃຫຍ່ຈີນຢ່າງວ່ອງໄວ ເພື່ອຈະເດີນທາງໄປຮົງກົງ ຊ່ວຍເຫຼືອອົງການປົກຄອງເຂດບໍລິຫານພິເສດຮົງກົງຕ້ານກັບພະຍາດໃນໄວໆນີ້.
ໜ່ວຍງານຊ່ວຍກວດຫານິວໄຄຼອິດແຜ່ນດິນໃຫຍ່ຈີນໜ່ວຍທຳອິດຈະປະກອບດ້ວຍນັກວິຊາການວິເຄາະການແພດ 60 ຄົນທີ່ຄະນະກຳມະການສາທາລະນະສຸກແຂວງກວາງຕຸ້ງຄັດເລືອກຈາກໂຮງໝໍລັດ 20 ກວ່າແຫ່ງ, ໃນນັ້ນ ມີ 7 ຄົນໄດ້ເດີນທາງໄປຮົງກົງໃນວັນທີ 2 ສິງຫານີ້ກ່ອນ ເພື່ອຊ່ວຍດຳເນີນວຽກງານຢູ່ຫ້ອງທົດລອງ. ຄະນະກຳມະການສາທາລະນະສຸກແຫ່ງຊາດຍັງຈະອີງຕາມຄວາມຕ້ອງການໃນການຕ້ານກັບພະຍາດຂອງເຂດບໍລິຫານພິເສດຮົງກົງ, ຈັດສົ່ງຊັບພະຍາກອນທາງການແພດຂອງແຜ່ນດິນໃຫຍ່ຫຼາຍກວ່າເກົ່າໃຫ້ກັບຮົງກົງຕາມຫຼັງໃນທຸກເວລາ.
ວັນທີ 1 ສິງຫານີ້, ພະແນກສາທາລະນະສຸກອົງການປົກຄອງເຂດບໍລິຫານພິເສດຮົງກົງໄດ້ປະກາດວ່າ: ນັບມາຮອດເວລາ 0 ໂມງຂອງວັນທີ 1 ສິງຫານີ້, ວັນທີ 31 ກໍລະກົດແລ້ວນີ້, ຮົງກົງມີຜູ້ເປັນພະຍາດໂຄວິດ-19ເພີ່ມໃໝ່ 125 ຄົນ, ໃນນັ້ນມີ 124 ຄົນແມ່ນຕິດເຊື້ອຢູ່ຮົງກົງ ເຊິ່ງມີຜູ້ເປັນພະຍາດລວມທັງໝົດ 3397 ຄົນ. ປັດຈຸບັນ, ຄວາມສາມາດໃນການກວດຫາເຊື້ອພະຍາດຂອງຮົງກົງບໍ່ສາມາດຕອບສະໜອງກັບຄວາມຕ້ອງການໄດ້, ລະບົບປິ່ນປົວພະຍາດເກືອບເຕັມຄວາມສາມາດຮອງຮັບ, ອຸປະກອບກວດຫາເຊື້ອພະຍາດແລະກັກບໍລິເວນນັບມື້ນັບຄັດສົນ. ອົງການປົກຄອງເຂດບໍລິຫານພິເສດຮົງກົງໄດ້ຂໍຄວາມຊ່ວຍເຫຼືອຈາກລັດຖະບານກາງ ແລະໄດ້ຮັບການຕອບສະໜອງຢ່າງຕັ້ງໜ້າແລະວ່ອງໄວ.
ຄຳເຫັນ
0