ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ10ກັນຍານີ້ ກະຊວງສາທາລະນະສຸກແລະກິລາຂອງມຽນມາໄດ້ເປີດເຜີຍວ່າ, ຫວ່າງມໍ່ໆມານີ້ໄດ້ກວດເຊື້ອໄວຣັດຕໍ່4339ຄົນ,ໂດຍໄດ້ພົບຜູ້ຖືກບົ່ງມະຕິເປັນພະຍາດໂຄວິດ19 262ກໍລະນີ, ນີ້ເປັນຄັ້ງທີ6ແລ້ວທີ່ມຽນມາມີຜູ້ຖືກບົ່ງມະຕິເປັນພະຍາດໂຄວິດ19ຕໍ່ມື້ໄດ້ສ້າງສະຖິຕິໃໝ່ ຫຼັງຈາກເກີດມີສະພາບພະຍາດໂຄວິດ 19 ຮອບສອງໃນວັນທີ16ສິງຫາແລ້ວນີ້, ຈຳນວນຜູ້ເສຍຊີວິດເພີ່ມຈາກ6ຄົນໃນເມື່ອກ່ອນເປັນ14ຄົນ. ປັດຈຸບັນ ຢູ່ມຽນມາໄດ້ມີຜູ້ຖືກບົ່ງມະຕິເປັນພະຍາດໂຄວິດ19 ທັງໝົດ2150ກໍລະນີ.
ໃນຜູ້ຖືກບົ່ງມະຕິເປັນພະຍາດໂຄວິດ19ເພີ່ມໃໝ່ຢູ່ມຽນມາໃນຫວ່າງມໍ່ໆມານີ້, ມີຫຼາຍຄົນເປັນລັດຖະກອນ,ໃນນັ້ນ 1ຄົນແມ່ນລັດຖະກອນຢູ່ທຳນຽບປະທານາທິບໍດີມຽນມາທີ່ເນປີດໍ, ອີກ1ຄົນແມ່ນລັດຖະກອນຂອງພະແນກຄຸ້ມຄອງອາຫານແລະຢາຢູ່ນະຄອນຢາງກຸ້ງ, ຂະນະດຽວກັນ ພາກສ່ວນຕ່າງໆ ເຊັ່ນ ກະຊວງບໍ່ແຮ່ຂອງມຽນມາ, ໂຮງໝໍເອກະຊົນຂະໜາດໃຫຍ່ຢູ່ຢາງກຸ້ງ ກໍໄດ້ປາກົດມີຜູ້ຖືກບົ່ງມະຕິເປັນພະຍາດໂຄວິດ19ເຊັ່ນກັນ.
ຄຳເຫັນ
0