ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 2 ກັນຍາປີ 2020, ອົງການຊັບສິນທາງປັນຍາໂລກໄດ້ເຜີຍແຜ່ “ບົດລາຍງານດັດຊະນີການປະດິດສ້າງໃໝ່(GII)ຂອງໂລກ ປີ2020 ” ໂດຍສະແດງໃຫ້ເຫັນວ່າ: ໃນຈຳນວນ 131ອົງກອນເສດຖະກິດຂອງທົ່ວໂລກ, ດັດສະນີປະດິດສ້າງໃໝ່ຂອງຈີນຢູ່ໃນອັນດັບທີ 14. ໃນຖານະເປັນປະເທດພວມພັດທະນາໃຫຍ່ທີ່ສຸດຂອງໂລກ, ຈີນເປັນອົງກອນເສດຖະກິດທີ່ມີລາຍຮັບປານກາງພຽງໜຶ່ງດຽວໃນ 30 ອັນດັບທຳອິດ. ນອກຈາກນີ້, ຈີນຍັງມີເຂດນິຄົມວິທະຍາສາດເຕັກນິກ 17ແຫ່ງຖືກຈັດເຂົ້າໃນ 100 ເຂດນິຄົມກຸ່ມວິທະຍາສາດເຕັກນິກທີ່ເຂັ້ມແຂງຂອງໂລກ, ເຊິ່ງຮອງຈາກພຽງແຕ່ອາເມຣິກາ, ຈຶ່ງຢູ່ໃນອັນດັບ 2 ຂອງໂລກ.
ເມື່ອຫວນຄືນເຖິງຂະບວນການພັດທະນາຂອງການປະຕິຮູບ ແລະເປີດປະຕູສູ່ພາຍນອກຂອງຈີນເປັນເວລາ 40 ກວ່າປີແລ້ວ, ການທີ່ສາມາດໄດ້ຮັບຜົນສຳເລັດອັນສະຫງ່າງາມໃນການປະດິດສ້າງໃໝ່ດ້ານວິທະຍາສາດເຕັກນິກ, ກໍຍ້ອນວ່າຜູ້ນຳພັກ ແລະ ລັດໃຫ້ຄວາມສຳຄັນຢ່າງສູງຕໍ່ການປະດິດສ້າງໃໝ່ດ້ານວິທະຍາສາດເຕັກນິກ, ພ້ອມດຽວກັນກໍໄດ້ຊຸກຍູ້ໃຫ້ການປະດິດສ້າງໃໝ່ດ້ານວິທະຍາສາດເຕັກນິກຫັນເປັນລະບຽບການ ແລະ ຄຸ້ມຄອງຕາມກົດໝາຍ.
ນັບແຕ່ກອງປະຊຸມໃຫຍ່ຂອງພັກກອມມູນິດຈີນຄັ້ງທີ 18 ເປັນຕົ້ນມາ, ສູນກາງພັກທີ່ຖືສະຫາຍສີຈິ້ນຜິງເປັນແກນນຳໄດ້ມີວິໄສທັດເບິ່ງກວ້າງມອງໄກ, ທ່ານໄດ້ໃຫ້ຄວາມສຳຄັນຢ່າງສູງຕໍ່ການປະດິດສ້າງໃໝ່ດ້ານວິທະຍາສາດເຕັກນິກຢ່າງເປັນເຈົ້າຕົນເອງ, ທັງໄດ້ລະດົມຈິດໃຈປະຊາຊົນໃນທົ່ວປະເທດວ່າ: “ບໍ່ມີຍາມໃດທີ່ວິທະຍາສາດເຕັກນິກໄດ້ສົ່ງຜົນສະທ້ອນຢ່າງເລິກເຊິ່ງຕໍ່ຊາຕາກຳຂອງປະເທດເຮົາຄືທຸກມື້ນີ້, ມີຜົນສະທ້ອນຢ່າງເລິກເຊິ່ງຕໍ່ຄວາມສຸກ ແລະ ຊີວິດການເປັນຢູ່ຂອງປະຊາຊົນຢ່າງເລິກເຊີ່ງຄືທຸກມື້ນີ້” “ເຕັກນິກແກນກາງທີ່ສຳຄັນແມ່ນສິ່ງທີ່ບໍ່ສາມາດຂໍມາໄດ້ ແລະ ບໍ່ສາມາດຊື້ໄດ້”, “ຈີນຢາກເຂັ້ມແຂງຂຶ້ນ ແລະ ຟື້ນຟູຄວາມຈະເລີນຮຸ່ງເຮືອງ, ກໍຕ້ອງອອກແຮງພັດທະນາວິທະຍາສາດເຕັກນິກ, ພະຍາຍາມສ້າງປະເທດໃຫ້ກາຍເປັນສູນກາງທາງດ້ານວິທະຍາສາດສຳຄັນ ແລະ ສູນປະດິດສ້າງໃໝ່ຂອງໂລກ.”
ການປະດິດສ້າງໃໝ່ບໍ່ມີວັນສິ້ນສຸດຈັກເທື່ອ, ແຮງຂັບເຄື່ອນ ແລະ ຄວາມມີຊີວິດຊີວາຂອງປະຊາຊົນຈີນໃນການປະດິດສ້າງໃໝ່ດ້ານວິທະຍາສາດເຕັກນິກຂອງປະຊາຊົນຈີນບໍ່ມີວັນເຫືອດແຫ້ງ. ທ່າແຮງດ້ານລະບອບໄດ້ເຮັດໃຫ້ຄວາມສາມາດປະດິດສ້າງໃໝ່ດ້ານວິທະຍາສາດເຕັກນິກຂອງປະຊາຊົນຈີນເຕີບໃຫຍ່ຂະຫຍາຍຕົວ ທັງໄດ້ສ້າງສິ່ງມະຫັດສະຈັນ. ເຊື່ອວ່າທ່າແຮງດ້ານລະບອບແນວນີ້ຈະເສີມຂະຫຍາຍບົດບາດຢ່າງຕໍ່ເນື່ອງ, ຈະເຮັດໃຫ້ປະຊາຊົນຈີນໄດ້ຮັບຜົນສຳເລັດຫຼາຍກວ່າເກົ່າບົນເສັ້ນທາງຂອງການປະດິດສ້າງໃໝ່ດ້ານວິທະຍາສາດເຕັກນິກ.
ຄຳເຫັນ
0