ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 14 ກັນຍານີ້, ຢູ່ນະຄອນຫຼວງປັກກິ່ງ, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານນາງແອັງເຈີລາ ເມີເຄວ ນາຍົກລັດຖະມົນຕີເຢຍລະມັນ, ທ່ານຊາເລ ມີແຊນ ປະທານສະພາມົນຕີເອີຣົບ ແລະ ທ່ານອູເຊີລາ ວອນ ເດີ ໄລເຍີ ປະທານຄະນະກຳມາທິການສະຫະພາບເອີຣົບໂດຍຜ່ານທາງວິດີໂອ. ຜູ້ນຳຈີນ, ເຢຍລະມັນ ແລະ ເອີຣົບໄດ້ລົງເລິກແລກປ່ຽນຄວາມຄິດເຫັນກ່ຽວກັບການພົວພັນຈີນ-ເອີຣົບ, ຮ່ວມກັນກຳນົດທິດທາງການພົວພັນຈີນ-ເອີຣົບໃນໄລຍະຕໍ່ໄປ, ກຳນົດຂົງເຂດຈຸດສຸມໃນການຮ່ວມມືກັນ, ເຫັນດີເປັນເອກະພາບກັນເພີ່ມທະວີການປະສານງານ ແລະ ຮ່ວມມືກັນ ເພື່ອຮັບປະກັນວາລະທາງການເມືອງທີ່ສຳຄັນຕ່າງໆລະຫວ່າງຈີນແລະເອີຣົບໃນໄລຍະຕໍ່ໄປໃຫ້ປະສົບຜົນສຳເລັດ, ລົງເລິກຄວາມໄວ້ເນື້ອເຊື່ອໃຈກັນ, ບັນລຸການຮ່ວມມືແບບຕ່າງຝ່າຍຕ່າງມີຜົນປະໂຫຍດ, ຍຶດໝັ້ນໃນຫຼັກການປົກປັກຮັກສາລັດທິຫຼາຍຝ່າຍ, ຮ່ວມມືເພື່ອຮັບມືກັບສິ່ງທ້າທາຍທີ່ມີລັກສະນະທົ່ວໂລກ, ຊຸກຍູ້ໃຫ້ການພົວພັນຈີນ-ເອີຣົບກ້າວຂຶ້ນສູ່ລະດັບສູງກວ່າເກົ່າ. ຈີນແລະເອີຣົບໄດ້ປະກາດການລົງນາມໃນ “ສັນຍາເຄື່ອງໝາຍທາງພູມສາດຈີນ-ເອີຣົບ”, ເນັ້ນໃສ່ການເລັ່ງລັດການເຈລະຈາສັນຍາການຄ້າແລະການລົງທຶນຈີນ-ເອີຣົບ ເພື່ອບັນລຸເປົ້າໝາຍຂອງການເຈລະຈາໃຫ້ສຳເລັດພາຍໃນປີນີ້. ຈີນແລະເອີຣົບໄດ້ຕົກລົງສ້າງກົນໄກສົນທະນາລະດັບສູງກ່ຽວກັບສິ່ງແວດລ້ອມແລະດິນຟ້າອາກາດ ແລະ ກົນໄກສົນທະນາລະດັບສູງໃນຂົງເຂດດີຈີຕອນ, ສ້າງການພົວພັນຄູ່ຮ່ວມສີຂຽວຈີນ-ເອີຣົບ ແລະ ການພົວພັນຄູ່ຮ່ວມດີຈີຕອນຈີນ-ເອີຣົບ.
ຄຳເຫັນ
0