ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI：ວັນທີ 18 ກັນຍານີ້, ທຳນຽບປະທານາທິບໍດີຟີລິບປິນປະກາດວ່າ, ເນື່ອງຈາກພະຍາດໂຄວິດ-19 ຍັງຄົງສືບຕໍ່ແຜ່ລະບາດຢູ່ພາຍໃນປະເທດ, ລັດຖະບານຕົກລົງຈະແກ່ຍາວສະພາວະໄພພິບັດທົ່ວປະເທດທີ່ໄດ້ປະຕິບັດມາເປັນເວລາເຄິ່ງປີແລ້ວນັ້ນໄປຮອດເດືອນກັນຍາປີໜ້າ.
ໃນແຈ້ງການຂອງລັດຖະບານທີ່ທ່ານໂຣດຣີໂກ ດູເຕີເຕ ປະທານາທິບໍດີຟີລິບປິນປະກາດໃນມື້ດຽວກັນກ່າວວ່າ: ນັບແຕ່ຟີລິບປິນເຂົ້າສູ່ສະພາວະໄພພິບັດທົ່ວປະເທດຍ້ອນພະຍາດໂຄວິດ-19 ໃນເດືອນມີນາປີນີ້ເປັນຕົ້ນມາ, ໄດ້ຮັບຄວາມກ້າວໜ້າຢ່າງເດັ່ນຊັດໃນດ້ານການປ້ອງກັນແລະຄວບຄຸມພະຍາດໂດຍພາຍໃຕ້ຄວາມພະຍາຍາມຮ່ວມກັນຂອງລັດຖະບານແລະປະຊາຊົນ,ແຕ່ປັດຈຸບັນ ຈຳນວນຄົນທີ່ຖືກບົ່ງມະຕິເປັນພະຍາດໂຄວິດ-19 ແລະເສຍຊີວິດຍັງພວມເພີ່ມຂຶ້ນຢ່າງບໍ່ຢຸດຢັ້ງ. ອີງຕາມການກຳນົດຂອງລັດຖະທຳມະນູນແລະກົດໝາຍ, ລັດຖະບານຕົກລົງຈະແກ່ຍາວສະພາວະໄພພິບັດທົ່ວປະເທດໄປຮອດວັນທີ 12 ກັນຍາປີ 2021, ຍົກເວັ້ນແຕ່ມີລັດຖະດຳລັດໃໝ່ໃຫ້ຍົກເລີກກ່ອນເວລາກຳນົດຫຼືສືບຕໍ່ແກ່ຍາວສະພາວະດັ່ງກ່າວ.
ຕາມສະຖິຕິ, ມາຮອດຕົ້ນເດືອນກັນຍານີ້, ລັດຖະບານຟີລິບປິນໄດ້ເບີກງົບປະມານ 8 ຕື້ 40 ລ້ານໂດລາ ເພື່ອໃຊ້ເຂົ້າໃນການຮັບມືກັບການແຜ່ລະບາດຂອງພະຍາດ.
ຄຳເຫັນ
0