ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວລາຍງານວ່າ ສະພາຕ່ຳອາເມຣິກາໄດ້ຮັບຮອງເອົາຍັດຕິກ່ຽວກັບເຂດປົກຄອງຕົນເອງອຸຍເກີຊິນຈ່ຽງຈີນ, ໃນນັ້ນໄດ້ຫ້າມນຳເຂົ້າຜະລິດຕະພັນທັງໝົດຈາກຊິນຈ່ຽງ. ຕໍ່ກັບເລື່ອງນີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 23 ກັນຍານີ້ວ່າ: ຈີນຈະສືບຕໍ່ນຳໃຊ້ມາດຕະການທີ່ຈຳເປັນ, ເດັດດ່ຽວປົກປ້ອງສິດຜົນປະໂຫຍດທີ່ຖືກຕ້ອງຕາມກົດໝາຍຂອງວິສາຫະກິດຈີນ.
ທ່ານວ່າງເວີນປີ່ນກ່າວວ່າ, ວຽກງານຊິນຈ່ຽງເປັນວຽກງານພາຍໃນຂອງປະເທດຈີນ, ອາເມຣິກາບໍ່ມີອຳນາດແລະສິດເຂົ້າແຊກແຊງແຕ່ຢ່າງໃດ. ອັນທີ່ເອີ້ນວ່າ ບັນຫາ “ບັງຄັບໃຫ້ອອກແຮງງານ”ແມ່ນຄຳເວົ້າຫຼອກລວງທີ່ອົງການແລະບຸກຄົນຈຳນວນໜຶ່ງຂອງອາເມຣິກາແລະປະເທດຕາເວັນຕົກເສກສັນປັ້ນແຕ່ງຂຶ້ນມາ. ຄົນຈຳນວນໜ້ອຍຢູ່ອາເມຣິກາອ້າງວ່າ ຕົນໄດ້ເອົາໃຈໃສ່ຊົນເຜົ່າສ່ວນໜ້ອຍຢູ່ຊິນຈ່ຽງ, ແຕ່ພັດເບິ່ງຂ້າມຄວາມພະຍາຍາມຢ່າງຫຼວງຫຼາຍຂອງອົງການປົກຄອງທ້ອງຖິ່ນຊິນຈ່ຽງເພື່ອຮັບປະກັນດ້ານສິດທິມະນຸດແລະຊຸກຍູ້ການປະກອບອາຊີບຂອງປະຊາຊົນຊິນຈ່ຽງ, ໄດ້ປ່າວຂ່າວຕາມລຳພັງໃຈກ່ຽວກັບອັນທີ່ເອີ້ນວ່າບັນຫາບັງຄັບໃຫ້ອອກແຮງງານຢູ່ຊິ່ນຈ່ຽງ ທັງຖືເອົາບັນຫານີ້ເປັນຂໍ້ອ້າງໂດຍໃຊ້ມາດຕະການຕ່າງໆຈຳກັດແລະບີບບັງຄັບວິສາຫະກິດຊິນຈ່ຽງ,
ນີ້ໄດ້ເຜີຍແບໃຫ້ເຫັນຢ່າງເຕັມສ່ວນ ເຖິງຈິດໃຈເມດຕາແບບຈອມປອມແລະຈຸດປະສົງອັນແທ້ຈິງ
ຂອງບຸກຄົນທີ່ກ່ຽວຂ້ອງໃນການສະກັດກັ້ນການພັດທະນາແລະຄວາມກ້າວໜ້າຂອງຊິ່ນຈ່ຽງ, ຍຸແຍ່ການພົວພັນລະຫວ່າງຊົນເຜົ່າຂອງຈີນ, ສວຍໃຊ້ບັນຫາກ່ຽວກັບຊິນຈ່ຽງເພື່ອແຊກແຊງວຽກງານພາຍໃນຂອງຈີນ, ສວຍໃຊ້ການສ້າງບັນຫາໃຫ້ກັບຈີນເພື່ອສະແຫວງຫາຜົນປະໂຫຍດສ່ວນຕົວທາງດ້ານການເມືອງ, ກົນອຸບາຍຂອງເຂົາເຈົ້າຈະບໍ່ປະສົບຜົນສຳເລັດແນ່ນອນ.
ຄຳເຫັນ
0