ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມື່ອບໍ່ດົນມານີ້, ທ່ານໄມພົມເພວ ລັດຖະມົນຕີກະຊວງການຕ່າງປະເທດອາເມຣິກາໄດ້ກ່າວປາໄສໂດຍຮຽກຮ້ອງໃຫ້ເຈົ້າໜ້າທີ່ທ້ອງຖິ່ນຂອງອາເມຣິກາຕ້ອງລະມັດລະວັງເຈົ້າໜ້າທີ່ການທູດຈີນທີ່ອາດຈະລໍ້ລວງໃຫ້ມີສ່ວນຮ່ວມໃນກິດຈະກຳໂຄສະນາຊວນເຊື່ອ ແລະສອບແນມ. ຕໍ່ເລື່ອງນີ້, ທ່ານວາງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວໃນວັນທີ 24 ກັນຍານີ້ວ່າ: ນັກການເມືອງບາງຄົນຂອງອາເມຣິກາມີ “ອາການປະສາດຫຼອນຈຶ່ງຄັດຄ້ານຈີນ”, ຈີນບໍ່ມີຄວາມສົນໃຈ ແລະບໍ່ເຄີຍມີແນວຄິດແຊກແຊງວຽກງານພາຍໃນຂອງອາເມຣິກາຈັກເທື່ອ.
ທ່ານວ່າງເວີນປິ່ນກ່າວວ່າ: ການຮ່ວມມືລະຫວ່າງທ້ອງຖິ່ນ ແລະການໄປແລກປ່ຽນດ້ານວັດທະນະທຳແມ່ນສ່ວນປະກອບທີ່ສຳຄັນຂອງພົວພັນຈີນ-ອາເມຣິກາ. ຄຳເວົ້າທີ່ກ່ຽວຂ້ອງຂອງທ່ານໄມພົມເພວບໍ່ສອດຄ່ອງກັບຄວາມເປັນຈິງ, ແມ່ນຄຳຫຼອກລວງ. ຈີນເດັດດ່ຽວຄັດຄ້ານກ່ຽວກັບເລື່ອງນີ້.
ທ່ານກ່າວຕື່ມວ່າ: ພວກເຮົາໄດ້ສັງເກດເຫັນວ່າ: ມີບຸກຄົນຈຳນວນບໍ່ໜ້ອຍຂອງອາເມຣິກາໄດ້ຕຳໜິຕິຕຽນທ່ານໄມພົມເພວທີ່ໄດ້ສະແດງຄວາມຄິດເຫັນກ່ຽວກັບວຽກງານການຕ່າງປະເທດ ແລະການບໍລິຫານການເມືອງພາຍໃນປະເທດ, ແຕ່ໃນຄວາມເປັນຈິງແລ້ວແມ່ນເພື່ອຜົນປະໂຫຍດທາງການເມືອງຂອງຕົນ. ໃນໄລຍະຜ່ານມາ, ມີນັກການເມືອງອາເມຣິກາບາງຄົນ “ມີອາການປະສາດຫຼອນຈຶ່ງຄັດຄ້ານຈີນ”, ໃສ່ຮ້າຍປ້າຍສີອົງກອນ ແລະບຸກຄົນຂອງຈີນທີ່ດຳເນີນກິດຈະກຳຢ່າງເປັນປົກກະຕິຢູ່ອາເມຣິກາ, ສະກັດກັ້ນ ແລະທຳລາຍການແລກປ່ຽນ ແລະການຮ່ວມມືຢ່າງເປັນປົກກະຕິລະຫວ່າງຈີນ-ອາເມຣິກາດ້ວຍການໂຄສະນາຊວນເຊື່ອວ່າ ຈີນເປັນໄພຂົ່ມຂູ່ຕໍ່ອາເມຣິກາເພື່ອຫາຜົນປະໂຫຍດທາງການເມືອງໃຫ້ກັບຕົນ ເຊິ່ງຈະຖືກກ່າວປະນາມ ແລະຂວ້ຳບາດຈາກວົງການຕ່າງໆຂອງອາເມຣິກາແນ່ນອນ.
ຄຳເຫັນ
0