ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງໃນໂອກາດວັນຫຼຸດຜ່ອນຄວາມທຸກຍາກແຫ່ງຊາດຈີນຄົບຮອບ 7 ປີ ວຽນມາເຖິງນີ້, ທ່ານສີຈີ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດຈີນ, ປະທານຄະນະກຳມະການການທະຫານສູນກາງຈີນໄດ້ໃຫ້ທິດຊີ້ນຳສຳຄັນຕໍ່ວຽກງານສູ້ຊົນບັນລຸເປົ້າໝາຍລຶບລ້າງຄວາມທຸກຍາກໃນຂັ້ນສຸດທ້າຍ ແລະ ກ່າວເນັ້ນວ່າ, ປີ 2020 ເປັນປີທີ່ສູ້ຊົນຍາດເອົາໄຊຊະນະຂັ້ນສຸດທ້າຍໃນການສ້າງສັງຄົມອີ່ມໜຳສຳລານໃຫ້ສຳເລັດຢ່າງຮອບດ້ານ ແລະ ສູ້ຊົນບັນລຸເປົ້າໝາຍລຶບລ້າງຄວາມທຸກຍາກໃນຂັ້ນສຸດທ້າຍ. ໂດຍຜະເຊີນໜ້າກັບການທົດສອບຈາກພະຍາດໂຄວິດ 19 ແລະ ໄພນ້ຳຖ້ວມອັນຮ້າຍແຮງ, ສູນກາງພັກໄດ້ຍຶດໝັ້ນຄວາມຕັດສິນໃຈໃນການສູ້ຊົນບັນລຸເປົ້າໝາຍລຶບລ້າງຄວາມທຸກຍາກຕາມເວລາກຳນົດຢ່າງໝັ້ນໜຽວບໍ່ປ່ຽນແປງ, ທົ່ວພັກ ທົ່ວສັງຄົມອອກແຮງສຸດຂີດ ຮ່ວມແຮງຮ່ວມໃຈກັນ ປະຕິບັດຕົວຈິງ, ພະນັກງານ ແລະ ປະຊາຊົນອັນໄພສານຂອງເຂດທຸກຍາກຕ່າງໆໄດ້ບຸກບືນ ສູ້ຊົນຜ່ານຜ່າຄວາມຫຍຸ້ງຍາກ ເຮັດໃຫ້ວຽກງານລຶບລ້າງຄວາມທຸກຍາກໄດ້ຮັບຜົນງານລັກສະນະຕັດສິນ. ປັດຈຸບັນ ບັ້ນລຶບລ້າງຄວາມທຸກຍາກໄດ້ມາຮອດໄລຍະສຸດທ້າຍ, ຄະນະພັກ ແລະ ອົງການປົກຄອງຂັ້ນຕ່າງໆຕ້ອງຍຶດໝັ້ນສູ້ຊົນພະຍາຍາມຕໍ່ໄປ, ປະຕິບັດໜ້າທີ່ວຽກງານດ້ວຍຄວາມຮັບຜິດຊອບສູງຢ່າງສະເໝີຕົ້ນສະເໝີປາຍ, ປະຕິບັດງານໃຫ້ດີ ແລະ ໄດ້ຮັບຜົນສຳເລັດທີ່ດີ, ຖ້າບໍ່ໄດ້ຮັບໄຊຊະນະຢ່າງສົມບູນຈະບໍ່ຖອນກຳລັງເດັດຂາດ.
ທ່ານສີຈີ້ນຜິງຊີ້ອອກວ່າ, ເຂດແຄວ້ນຕ່າງໆ ແລະ ພາກສ່ວນຕ່າງໆຕ້ອງສະຫຼຸດບົດຮຽນກ່ຽວກັບການລຶບລ້າງຄວາມທຸກຍາກ, ເສີມຂະຫຍາຍບົດບາດລະບຽບ ແລະ ກົນໄກລຶບລ້າງຄວາມທຸກຍາກ, ເຮັດໃຫ້ໝາກຜົນລຶບລ້າງຄວາມທຸກຍາກສາມາດຊຸກຍູ້ການພັດທະນາຊົນນະບົດໃຫ້ຈະເລີນໄດ້ຢ່າງມີປະສິດທິຜົນ, ຮັກສານະໂຍບາຍລຶບລ້າງຄວາມທຸກຍາກໃຫ້ມີຄວາມໝັ້ນຄົງໂດຍລວມ, ໃຊ້ມາດຕະການຫຼາຍຢ່າງເພື່ອເສີມຂະຫຍາຍໝາກຜົນລຶບລ້າງຄວາມທຸຍາກ. ຕ້ອງກະຕຸກຊຸກຍູ້ໃຫ້ປະຊາກອນເຂດທຸກຍາກພະຍາຍາມສູ້ຊົນເພື່ອຫຼຸດພົ້ນອອກຈາກຄວາມທຸກຍາກ, ສົ່ງເສີມໃຫ້ປະຊາກອນທີ່ມີລາຍຮັບຕ່ຳ ແລະ ມີຄວາມສາມາດອອກແຮງງານນັ້ນສ້າງຄວາມຮັ່ງມີດ້ວຍຄວາມດຸໝັ່ນ, ສືບຕໍ່ກ້າວເດີນໄປໜ້າເພື່ອບັນລຸເປົ້າໝາຍທີ່ໃຫ້ປະຊາຊົນທັງຊາດຮັ່ງມີຮ່ວມກັນເທື່ອລະກ້າວ.
ຄຳເຫັນ
0