ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ພະຈິກນີ້, ທ່ານໂບຣິສ ຈອນສັນ ນາຍົກລັດຖະມົນຕີອັງກິດໄດ້ປະກາດວ່າ, ລັດຖະບານອັງກິດຈະເພີ່ມການລົງທຶນສ່ດ້ານການທະຫານທັງໝົດ 16,5 ຕື້ປອນອັງກິດ (ປະມານ 21,8 ຕື້ໂດລາສະຫະລັດ) ໃຫ້ກັບກະຊວງປ້ອງກັນປະເທດ, ຕົ້ນຕໍຈະນຳໃຊ້ເຂົ້າໃນຂົງເຂດອະວະກາດແລະປັນຍາປະດິດເປັນຕົ້ນ.
ລັດຖະບານອັງກິດກ່າວໃນຖະແຫຼງການວ່າ, ນີ້ແມ່ນແຜນການລົງທຶນທາງດ້ານການທະຫານຂະໜາດໃຫຍ່ທີ່ສຸດຂອງລັດຖະບານອັງກິດໃນຮອບ 30 ປີມານີ້.
ທ່ານຈອນສັນກ່າວວ່າ, ການລົງທຶນທາງດ້ານການທະຫານເຫຼົ່ານີ້ຈະຊ່ວຍເພີ່ມການມີວຽກເຮັດງານທຳໃຫ້ຊາວອັງກິດໄດ້ 1 ໝື່ນຄົນຕໍ່ປີ, ມີຜົນດີຕໍ່ການເພີ່ມທະວີອິດທິພົນໃນທົ່ວໂລກຂອງອັງກິດ. ທ່ານກ່າວວ່າ, ຫຼັງຈາກສົງຄາມເຢັນສິ້ນສຸດລົງເປັນຕົ້ນມາ, ສະຖານະການສາກົນໃນປັດຈຸລັນ “ ອັນຕະລາຍກວ່າເວລາໃດໝົດ, ການແກ່ງແຍ່ງແຂ່ງຂັນແມ່ນດຸເດືອດກວ່າເກົ່າ”, ອັງກິດຕ້ອງຍົກສູງຄວາມສາມາດປ້ອງກັນປະເທດຢ່າງຮອບດ້ານ.
ຄຳເຫັນ
0