ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມສະຖິຕິຫຼ້າສຸດທີ່ເປີດເຜີຍໂດຍກະຊວງສາທາລະນະສຸກອິນເດຍໃນຕອນເຊົ້າວັນທີ 20 ພະຈິກນີ້ວ່າ, ກໍລະນີຕິດພະຍາດໂຄວິດ-19 ຢູ່ປະເທດອິນເດຍໄດ້ມີຫຼາຍກວ່າ 9 ລ້ານກໍລະນີ, ຜູ້ເສຍຊີວິດແລ້ວມີຫຼາຍກວ່າ 1 ແສນ 3 ໝື່ນກໍລະນີ. ອິນເດຍໄດ້ກາຍເປັນປະເທດທີສອງທີ່ມີກໍລະນີຕິດພະຍາດຫຼາຍກວ່າ 9 ລ້ານກໍລະນີ ເຊິ່ງຖັດຈາກອາເມຣິກາ. ບາງທ້ອງຖິ່ນຂອງອິນເດຍທີ່ມີການແຜ່ລະບາດຂອງພະຍາດຢ່າງໜັກໜ່ວງນັ້ນໄດ້ປະກາດມາດຕະການໃໝ່ ເພື່ອປ້ອງກັນ ແລະຄວບຄຸມການແຜ່ລະບາດຂອງພະຍາດ.
ອິນເດຍໄດ້ສືບຕໍ່ຍົກລະດັບຄວາມສາມາດກວດຫາເຊື້ອ. ມາຮອດວັນທີ 19 ພະຈິກນີ້, ອິນເດຍໄດ້ກວດຕົວຢ່າງເກືອບ 130 ລ້ານຕົວຢ່າງ, ໃນນັ້ນ, ໃນວັນທີ 19 ໄດ້ກວດວິເຄາະ 1 ລ້ານ 8 ໝື່ນຕົວຢ່າງ.
ເພື່ອສະກັດກັ້ນການແຜ່ລະບາດຂອງພະຍາດ, ວັນທີ 17 ພະຈິກນີ້, ນະຄອນຫຼວງນິວແດນລີຂອງອິນເດຍໄດ້ປັບເພດານຈຳນວນຄົນຂອງການຊຸມນຸມໃຫ້ຫຼຸດລົງຈາກ 200 ຄົນມາເປັນ50 ຄົນ ພ້ອມທັງໄດ້ເພີ່ມຄ່າປັບໄໝຕໍ່ຜູ້ທີ່ບໍ່ໃສ່ຜ້າປິດປາກເຖິງ 2000 ຣຸປີ ຫຼືປະມານ 27 ໂດລາສະຫະລັດ. ບາງທ້ອງຖິ່ນໄດ້ປະກາດມາດຕະການຫ້າມສັນຈອນໃນການຄືນ.
ຄຳເຫັນ
0