ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ພະຈິກນີ້, ໃນພິທີຖະແຫຼງຂ່າວ, ທ່ານເຕໂດຼສ ອັດຮານົມ ເກບຣິເຢຊຸສ ຜູ້ອຳນວຍການໃຫຍ່ອົງການອະນາໄມໂລກ ຫຼື WHO ໄດ້ຕີລາຄາສູງຕໍ່ຄວາມຄືບໜ້າເປັນຢ່າງດີໃນວຽກງານຄົ້ນຄວ້າຜະລິດວັກຊິນຕ້ານພະຍາດໂຄວິດ-19ຂອງທົ່ວໂລກ ແລະ ໄດ້ຮຽກຮ້ອງໃຫ້ປະຊາຄົມໂລກກຳນົດມາດຕະຖານແບ່ງປັນວັກຊິນຢ່າງທ່ຽງທຳໃນທັນທີໂດຍກໍ່ຫວັງວ່າປະເທດຮັ່ງມີຈະສາມາດໃຫ້ການສະໜັບສະໜູນຫຼາຍກວ່າເກົ່າໃຫ້ແກ່ປະເທດທຸກຍາກຫຼາຍກວ່າເກົ່າ.
ທ່ານເຕໂດຼສກ່າວວ່າ, ໃນປະຫວັດສາດ ບໍ່ມີວັກຊິນຊະນິດໃດສາມາດຖືກຄົ້ນຄວ້າຜະລິດອອກຢ່າງວ່ອງໄວຄືກັບວັກຊິນຕ້ານພະຍາດໂຄວິດ-19ນີ້, ວົງການວິທະຍາສາດທົ່ວໂລກໄດ້ມີມາດຕະຖານໃໝ່ໃນໃໝ່ໃນການຄົ້ນຄວ້າຜະລິດວັກຊິນ.
ທ່ານເຕໂດຼສຍັງກ່າວອີກວ່າ,ໃນກອງປະຊຸມສຸດຍອດຜູ້ນຳ G20 ຣີຢັດທີ່ຫາກໍ່ອັດລົງນັ້ນ, ຜູ້ນຳທົ່ວໂລກໄດ້ໃຫ້ຄຳໝັ້ນສັນຍາອີກເທື່ອໜຶ່ງວ່າຈະຮັບປະກັນການແບ່ງປັນວັກຊິນຢ່າງທ່ຽງທຳ. ປະຊາຄົມໂລກຄວນກຳນົດມາດຕະຖານເພື່ອແບ່ງປັນວັກຊິນຢ່າງທ່ຽງທຳໃນທັນທີ. ມາເຖິງປັດຈຸບັນນີ້ໄດ້ມີ 187 ປະເທດ ເຊິ່ງລວມທັງຈີນໄດ້ເຂົ້າຮ່ວມ “ແຜນດຳເນີນງານວັດຊິນຕ້ານພະຍາດໂຄວິດ-19” ທີ່ນຳພາໂດຍສະຫະພັນວັນຊິນແລະພູມຄຸ້ມກັນໂລກ ແລະ ອົງການ WHO, ແຕ່ວ່າຈະເຮັດແນວໃດຈິ່ງຈະສາມາດຮັບປະກັນວັກຊິນສາມາດແປ່ງປັນໃຫ້ບັນດາປະເທດທີ່ພວມພັດທະນາຢ່າງທ່ຽງທຳໄດ້ ຍັງມີສິ່ງທ້າທາຍຫຼາຍ.
ຄຳເຫັນ
0