ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ວາລະສານ “The Innovation” ທີ່ຮ່ວມມືກັນລະຫວ່າງສຳນັກພິມຈຳໜ່າຍ Cellpress ອາເມຣິກາ ກັບ ສະມາຄົມສົ່ງເສີມການປະດິດສ້າງຂອງສະຖາບັນວິທະຍາສາດຈີນໄດ້ປະກາດຜົນການຄົ້ນຄວ້າໃໝ່ທາງອ໋ອນລາຍ ໂດຍສະແດງໃຫ້ເຫັນວ່າ, ຫຼັງຈາກເກີດມີສະພາບລະບາດຂອງພະຍາດໂຄວິດ-19ແລ້ວ ຈີນໄດ້ໃຊ້ມາດຕະການປ້ອງກັນ ແລະ ຄວບຄຸມໄດ້ຢ່າງວ່ອງໄວ, ຈຶ່ງສາມາດຫຼຸດຈຳນວນຜູ້ເປັນພະຍາດໂຄວິດ-19 ໄດ້ຢ່າງບັງເກີດຜົນ.
ນັກຄົ້ນຄວ້າກ່າວວ່າ, ຫຼັງຈາກຈີນໃຊ້ມາດຕະການກຕ້ານກັບພະຍາດໂຄວິດ-19, ປະລິມານການລະບາຍກາກບອນດີອົກຊິດຂອງຈີນໄດ້ຫຼຸດໜ້ອຍລົງຢ່າງຈະແຈ້ງໃນທ້າຍເດືອນກຸມພາປີນີ້. ນັກຄົ້ນຄວ້າໄດ້ປະສານສົມທົບຂໍ້ມູນການສິ້ນເປືອງພະລັງງານ ກັບ ຂໍ້ມູນຂອງດາວທຽມ ເຊິ່ງໄດ້ສະແດງໃຫ້ເຫັນເຖິງການປ່ຽນແປງການຜະລິດທາງສັງຄົມ ແລະສາມາດຄາດຄະເນລະດັບ ແລະ ເວລາທີ່ປະຕິບັດມາດຕະການປ້ອງກັນ ແລະ ຄວບຄຸມພະຍາດທີ່ໄດ້ສົ່ງຜົນສະທ້ອນແນວໃດຕໍ່ຈຳນວນຜູ້ເປັນພະຍາດເພີ່ມໃໝ່ຕໍ່ມື້ ແລະ ຈຳນວນຜູ້ເປັນພະຍາດທັງໝົດ.
ຄະນະຄົ້ນຄວ້າໄດ້ບອກໃຫ້ຮູ້ວ່າ, ຜົນການຄົ້ນຄວ້າສະແດງໃຫ້ເຫັນວ່າ, ມາດຕະການປ້ອງກັນຄວບຄຸມພະຍາດໂຄວິດ-19ຂອງຈີນເຖິງວ່າໄດ້ສ້າງຜົນເສຍຫາຍຕໍ່ເສດຖະກິດ ແຕ່ກໍ່ສາມາດສະກັດກັ້ນການແຜ່ລະບາດຂອງພະຍາດໂຄວິດ-19 ໃນຂອບເຂດກວ້າງຂວາງ ແລະ ໄດ້ຮັບປະສິດທິຜົນທາງດ້ານສາທາລະນະສຸກ ສັງຄົມຢ່າງພົ້ນເດັ່ນ. ການຄົ້ນຄວ້າດັ່ງກ່າວເປັນການຊ່ວຍສະໜັບສະໜູນດ້ານເຕັກນິກເພື່ອໃຊ້ມາດຕະການຕິດຕາມຄວບຄຸມພະຍາດໂຄວິດ-19 ແລະ ສ້າງພື້ນຖານໃຫ້ແກ່ການປະເມີນມາດຕະການປ້ອງກັນ ແລະ ຄວບຄຸມພະຍາດໂຄວິດ-19ຂອງທົ່ວໂລກ.
ຄຳເຫັນ
0