ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍເຖິງທ່ານໂຈ ໄບເດັນ ເພື່ອສະແດງຄວາມຊົມເຊີຍທີ່ທ່ານໄດ້ຮັບເລືອກຕັ້ງໃຫ້ເປັນປະທານາທິບໍດີອາເມຣິກາຊຸດໃໝ່.
ໃນສານຊົມເຊີຍຂອງທ່ານສີຈິ້ນຜິງໄດ້ລະບຸວ່າ: ການຊຸກຍູ້ການພັດທະນາສາຍພົວພັນຈີນ-ອາເມຣິກາຢ່າງໝັ້ນຄົງປອດໄສນັ້ນບໍ່ພຽງແຕ່ສອດຄ່ອງກັບຜົນປະໂຫຍດພື້ນຖານຂອງປະຊາຊົນສອງຊາດເທົ່ານັ້ນ, ຍັງເປັນຄວາມມຸ່ງຫວັງຮ່ວມກັນຂອງປະຊາຄົມໂລກອີກດ້ວຍ. ຫວັງວ່າສອງປະເທດຈະຍຶດໝັ້ນຫຼັກການທີ່ບໍ່ເປັນປໍລະປັກກັນ, ເຄົາລົບເຊິ່ງກັນ ແລະກັນ ແລະຮ່ວມມືແບບຕ່າງຝ່າຍຕ່າງມີຜົນປະໂຫຍດ, ສຸມໃສ່ການຮ່ວມມື, ຄວບຄຸມຄວາມຂັດແຍ້ງ, ຊຸກຍູ້ສາຍພົວພັນຈີນ-ອາເມຣິກາໃຫ້ພັດທະນາກ້າວໄປໜ້າຢ່າງໝັ້ນຄົງປອດໄສ, ຮ່ວມກັນກັບບັນດາປະເທດ ແລະປະຊາຄົມໂລກຊຸກຍູ້ພາລະກິດອັນຍິ່ງໃຫຍ່ທີ່ໃຫ້ໂລກມີສັນຕິພາບ ແລະການພັດທະນາ.
ໃນມື້ດຽວກັນ, ທ່ານວາງຊີຊ່ານ ຮອງປະທານປະເທດຈີນກໍໄດ້ສົ່ງສານເຖິງທ່ານນາງກາມາລາ ແຮຣີສ ເພື່ອສະແດງຄວາມຊົມເຊີຍໃນໂອກາດທີ່ທ່ານໄດ້ຮັບເລືອກຕັ້ງເປັນຮອງປະທານາທິບໍດີອາເມຣິກາເຊັ່ນກັນ.
ຄຳເຫັນ
0