ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ພະຈິກນີ້, ຈີນໄດ້ສົ່ງຍານສຳຫຼວດດວງຈັນ “ສາງເອີ 5”ຂຶ້ນສູ່ວົງໂຄຈອນຢ່າງສຳເລັດຜົນ, ເຊິ່ງເປັນການເລີ່ມພາລະກິດນຳເອົາຕົວຢ່າງຂອງຕ່າງດາວກັບຄືນສູ່ໜ່ວຍໂລກເປັນຄັ້ງທຳອິດຂອງຈີນ. ທ່ານຈ້າວໂຮ້ລິນ ເລຂາທິການໃຫຍ່ສະຫະພາບໂທລະຄົມມະນາຄົມສາກົນຫຼື ITU ໄດ້ໃຫ້ສຳພາດຕໍ່ນັກຂ່າວວ່າ: ຕົນໄດ້ເອົາໃຈໃສ່ທີ່ສຸດທັງໄດ້ຕິດຕາມການຖ່າຍທອດສົດຂອງຕະຫຼອດຂະບວນການສົ່ງຍານອະວະກາດຂຶ້ນສູ່ວົງໂຄຈອນຄັ້ງນີ້ ແລະຂໍສະແດງຄວາມຊົມເຊີຍຕໍ່ຜົນສຳເລັດດັ່ງກ່າວ.
ການສົ່ງຍານ “ສາງເອີ 5”ຄັ້ງນີ້ເປັນບາດກ້າວສຸດທ້າຍໃນ ການປະຕິບັດໜ້າທີ່ຕາມໂຄງການສຳຫຼວດດວງຈັນຂອງຈີນທີ່ປະກອບດ້ວຍ 3 ບາດກ້າວຄື ສົ່ງຍານສຳຫຼວດໂຄຈອນອ້ອມດວງຈັນ, ຍານສຳຫຼວດລົງຈອດຢູ່ພື້ນຜິວດວງຈັນ ແລະນຳເອົາຕົວຢ່າງຂອງດວງຈັນກັບຄືນສູ່ໜ່ວຍໂລກ, ເຊິ່ງຄາດວ່າຈະສາມາດບັນລຸໜ້າທີ່ເປົ້າໝາຍຫຼາຍຢ່າງເປັນ “ຄັ້ງທຳອິດ” ໃນປະຫວັດສາດ ການບິນອະວະກາດຂອງຈີນ. ທ່ານຈ້າວໂຮ້ລິນຊີ້ໃຫ້ເຫັນວ່າ: ຂອດຕ່າງໆໃນການປະຕິບັດໂຄງການສຳຫຼວດດວງຈັນລ້ວນແຕ່ຕ້ອງການເຕັກນິກສູງທີ່ສຸດແລະມີຄວາມໝາຍສຳຄັນ, ໃນນັ້ນ ຂໍກົນແຈສຳຄັນທີ່ສຸດຄື ການນຳເອົາຕົວຢ່າງຂອງດວງຈັນກັບຄືນສູ່ໜ່ວຍໂລກ ເຊິ່ງຈະສ້າງພື້ນຖານໃຫ້ແກ່ນັກບິນອະວະກາດຈີນປະຕິບັດໜ້າທີ່ສຳຫຼວດດວງຈັນໃນອະນາຄົດ.
ທ່ານຈ້າວໂຮ້ລິນຍັງໄດ້ຍ້ອງຍໍຊົມເຊີຍຢ່າງສູງຕໍ່ຄວາມພະຍາຍາມຂອງຈີນໃນການຮ່ວມມືກັບສາກົນໃນຂົງເຂດການບິນແລະການບິນອະວະກາດ. ອົງການ ITU ໃນຖານະເປັນອົງການສະເພາະຄຸ້ມຄອງວຽກງານເຕັກໂນໂລຊີຂໍ້ມູນຂ່າວສານແລະການສື່ສານ,ກໍຈະຮ່ວມມືກັບຈີນໃນຂົງເຂດທີ່ກ່ຽວຂ້ອງຢ່າງໃກ້ຊິດຄືທີ່ໄດ້ປະຕິບັດຜ່ານມາ.
ຄຳເຫັນ
0