ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ມັງກອນນີ້, ທຳນຽບຂາວອາເມຣິກາກ່າວວ່າ: ອາເມຣິກາຈະພະຍາຍາມແກ່ຍາວເວລາຂອງ “ສົນທິສັນຍາວ່າດ້ວຍການຫຼຸດອາວຸດທາງຍຸດທະສາດສະບັບໃໝ່” ລະຫວ່າງອາເມຣິກາກັບຣັດເຊຍ ທີ່ຈະໝົດເວລາກຳນົດນັ້ນອອກໄປອີກ 5 ປີ.
ໃນກອງປະຊຸມຂ່າວທີ່ຈັດຂຶ້ນໃນຕອນບ່າຍມື້ດຽວກັນ, ທ່ານເຈັນ ປະຊາກີ ໂຄສົກທຳນຽບຂ່າວກ່າວວ່າ: ທ່ານໂຈ ໄບເດັນ ປະທານາທິບໍດີອາເມຣິກາມີຄວາມເຫັນມາໂດຍຕະຫຼອດວ່າ: “ສົນທິສັນຍາວ່າດ້ວຍການຫຼຸດອາວຸດທາງຍຸດທະສາດສະບັບໃໝ່” ສອດຄ່ອງກັບຜົນປະໂຫຍດດ້ານຄວາມໝັ້ນຄົງແຫ່ງຊາດຂອງອາເມຣິກາ. ໃນປັດຈຸບັນອາເມຣິກາແລະຣັດເຊຍໄດ້ມີການພົວພັນທີ່ເປັນປໍລະປັກກັນ, ການແກ່ຍາວເວລາຂອງສົນທິສັນຍາດັ່ງກ່າວຍິ່ງມີຄວາມໝາຍພົນເດັ່ນຂຶ້ນ.
ທ່ານປະຊາກີກ່າວຕື່ມວ່າ: “ສົນທິສັນຍາວ່າດ້ວຍການຫຼຸດອາວຸດທາງຍຸດທະສາດສະບັບໃໝ່” ແມ່ນສົນທິສັນຍາພຽງສະບັບດຽວທີ່ສາມາດຈຳກັດກຳລັງນິວເຄຼຍຂອງຣັດເຊຍໃນປັດຈຸບັນໄດ້, ແມ່ນເສົ້າຄ້ຳທີ່ຮັກສາຄວາມໝັ້ນຄົງທາງຍຸດທະສາດຂອງສອງຝ່າຍ.
ຄຳເຫັນ
0