ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ມັງກອນນີ້, ຢູ່ທີ່ປັກກິ່ງ, ໂດຍແນໃສ່ບັນຫາກ່ຽວກັບ “ສົນທິສັນຍາຫ້າມອາວຸດນິວເຄຼຍ” ມີຜົນສັກສິດ, ທ່ານນາງຮວ້າຊຸ່ນຢີງ ໂຄສົກກະຊວງການຕ່າງປະເທດຈີນໄດ້ກ່າວວ່າ, ຈີນບໍ່ຍອມຮັບ ແລະ ກໍ່ບໍ່ມີເຈດຕະນາທີ່ຈະເຊັນ ຫຼື ອະນຸມັດ “ສົນທິສັນຍາຫ້າມອາວຸດນິວເຄຼຍ”. ຈີນກ່າວເນັ້ນວ່າ, ສົນທິສັນຍາດັ່ງກ່າວບໍ່ໄດ້ສ່ອງແສງໃຫ້ເຫັນແ ລະ ກໍບໍ່ເປັນກົດໝາຍສາກົນທົ່ວໄປ, ບໍ່ມີຂໍ້ຜູກພັນທາງດ້ານກົດໝາຍຕໍ່ປະເທດທີ່ບໍ່ໄດ້ເຊັນສັນຍາ.
ໃນເວລາຕອບຄຳຖາມຂອງນັກຂ່າວໃນກອງປະຊຸມຖະແຫຼງຂ່າວ, ທ່ານນາງຮວ້າຊຸ່ນຢີງຊີ້ອອກວ່າ, ຈີນເຂົ້າໃຈຄວາມປາຖະໜາ ແລະ ຄວາມຮຽກຮ້ອງຂອງປະເທດທີ່ບໍ່ມີອາວຸດນິວເຄຼຍໃນການຊຸກຍູ້ຂະບວນການຫຼຸດກຳລັງຣົບນິວເຄຼຍ. ນັບແຕ່ມື້ທຳອິດທີ່ອາວຸດນິວເຄຼຍຂອງຕົນ, ຈີນກໍ່ໄດ້ຕັ້ງໜ້າລິເລິ່ມໃຫ້ຫ້າມໃຊ້ອາວຸດນິວເຄຼຍຢ່າງຮອບດ້ານ ແລະ ທຳລາຍອາວຸດນິວເຄຼຍຢ່າງເຖິງຖອງ, ຈີນໂຄລົບຕໍ່ການບໍ່ໃຊ້ອາວຸດນິວເຄຼຍກ່ອນເຊິ່ງບໍ່ວ່າໃນເວລາໃດໆ ແລະ ພາຍໃຕ້ສະພາບການໃດໆມາໂດຍຕະຫຼອດ, ໃຫ້ຄຳໝັ້ນສັນຍາຢ່າງໜັກແໜ້ນວ່າບໍ່ໃຊ້ ຫຼື ຂົ່ມຂູ່ໃຊ້ອາວຸດນິວເຄຼຍຕໍ່ປະເທດທີ່ບໍ່ມີອາວຸດນິວເຄຼຍ ແລະ ເຂດແຄວ້ນທີ່ບໍ່ມີອາວຸດນິວເຄຼຍໂດຍບໍ່ມີເງື່ອນໄຂ ແລະ ຮັກສາກຳລັງອາວຸດນິວເຄຼຍຢູ່ໃນລະດັບຕ່ຳສຸດ ເຊິ່ງເປັນພຽງຄວາມຕ້ອງການເພື່ອຮັບປະກັນຄວາມໝັ້ນຄົງຂອງປະເທດຕົນມາໂດຍຕະຫຼອດ. ນີ້ແມ່ນນະໂຍບາຍພື້ນຖານທີ່ລັດຖະບານຈີນໄດ້ປະຕິບັດໂດຍຕະຫຼອດມາ.
ພ້ອມກັນນັ້ນ, ຈີນເຫັນວ່າ, ຂະບວນການຫຼຸດກຳລັງຮົບນິວເຄຼຍບໍ່ຄວນຫ່າງເຫີນຈາກຄວາມຈິງຂອງຄວາມໝັ້ນຄົງໃນສາກົນ, ຕ້ອງເຄົາລົບ ແລະ ປະຕິບັດຕາມຫຼັກການ “ຮັກສາຄວາມໝັ້ນຄົງທາງຍຸດທະສາດໃນໂລກ” ແລະ “ບໍ່ສ້າງຜົນເສຍຫາຍຕໍ່ຄວາມໝັ້ນຄົງຂອງປະເທດຕ່າງໆ”, ຊຸກຍູ້ໃຫ້ຄ່ອຍໆດຳເນີນໄປເທື່ອລະກ້າວ. ຂະບວນການທີ່ກ່ຽວຂ້ອງຕ້ອງຍຶດໝັ້ນຫຼັກການທີ່ປຶກສາຫາລືເປັນເອກະສັນກັນ ແລະ ດຳເນີນໄປພາຍໃຕກົນໄກການຫຼຸດກຳລັງຮົບ ແລະ ການປ້ອງກັນບໍ່ໃຫ້ແຜ່ຜາຍໃນສາກົນທີ່ມີຢູ່ໃນປັດຈຸບັນ.
ຄຳເຫັນ
0