ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວິທະຍຸກະຈາຍສຽງອັງກິດຫຼື BBC ລານງານໃນວັນທີ 21 ມັງກອນນີ້ວ່າ, ປັດຈຸບັນ, ອັງກິດອະນຸມັດຖານະການທູດສົມບູນໃຫ້ແກ່ເອກອັກຄະລັດຖະທູດສະຫະພາບເອີຣົບປະຈຳນະຄອນຫຼວງລອນດອນ, ສົ່ງຜົນເຮັດໃຫ້ການພົວພັນລະຫວ່າງອັງກິດກັບສະຫະພາບເອີຣົບເກີດຄວາມຂັດແຍ້ງກັນອີກຄັ້ງໜຶ່ງ.
ຂ່າວແຈ້ງວ່າ, ກະຊວງການຕ່າງປະເທດອັງກິດບໍ່ຍອມອະນຸມັດຖານະການທູດສົມບູນໃຫ້ແກ່ທ່ານໂຈອາວ ວະເລ ເຕີອາເມດາ ເອກອັກຄະລັດຖະທູດສະຫະພາບເອີຣົບປະຈຳອັງກິດພ້ອມດ້ວຍຄະນະ, ພຽງຖືທ່ານເປັນຜູ້ຕາງໜ້າຂອງອົງການຈັດຕັ້ງສາກົນ. ສາເຫດຂອງອັງກິດກໍຄື, ສະຫະພາບເອີຣົບບໍ່ແມ່ນປະເທດອະທິປະໄຕ.
ທ່ານໂຈເຊັບ ໂບເຣລີ ຜູ້ຕາງໜ້າຊັ້ນສູງວຽກງານການທູດຂອງສະຫະພາບເອີຣົບໄດ້ສົ່ງຈົດໝາຍໄປຍັງທ່ານລາບູ ລັດຖະມົນຕີກະຊວງການຕ່າງປະເທດອັງກິດກ່ຽວກັບເລື່ອງນີ້, ແລະໄດ້ສະແດງ “ຄວາມບໍ່ພໍໃຈຢ່າງຮຸນແຮງ”. ທ່ານໂບເຣລີ ກ່າວວ່າ, ການຈັດວາງແບບນີ້ທັງບໍ່ໄດ້ສະແດງໃຫ້ເຫັນເຖິງຖານະພິເສດຂອງສະຫະພາບເອີຣົບ, ທັງບໍ່ໄດ້ໃຫ້ຄຳຕອບຕໍ່ການພົວພັນລະຫວ່າງສະຫະພາບເອີຣົບກັບອັງກິດໃນອະນາຄົດ.
ຂ່າວແຈ້ງອີກວ່າ, ສະຫະພາບເອີຣົບໄດ້ແຕ່ງຕັ້ງຄະນະຜູ້ແທນໄປປະຈຳຢູ່ 140 ກວ່າປະເທດໃນໂລກ, ຖານະເທົ່າກັບຄະນະເຈົ້າໜ້າທີ່ການທູດ. ປັດຈຸບັນ, ຄະນະຜູ້ແທນເຫຼົ່ານີ້ລ້ວນແຕ່ມີຖານະການທູດທີ່ສົມບູນ ນອກຈາກຄະນະຜູ້ແທນປະຈຳຢູ່ອັງກິດ.
ຄຳເຫັນ
0