ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ກຸມພານີ້, ທ່ານຫວາງຢີ້, ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ກ່າວຄຳປາໄສໃນພິທີເປີດກອງປະຊຸມເວທີປຶກສາຫາລືລານຖີ່ງ ພາຍໃຕ້ຫົວຂໍ້ “ສົນທະນາ ຮ່ວມມືກັນ ຄວບຄຸມຄວາມເຫັນທີ່ຂັດແຍ່ງກັນ - ຊຸກຍູ້ສາຍພົວພັນຈີນ-ອາເມຣິກາໃຫ້ກັບຄືນສູ່ທິດທາງທີ່ຖືກຕ້ອງ”, ໂດຍໄດ້ໃຫ້ທັດສະນະກ່ຽວກັບວ່າເຮັດແນວໃດຈຶ່ງຈະສາມາດຊຸກຍູ້ສາຍພົວພັນຈີນ-ອາເມຣິກາໃຫ້ກັບຄືນສູ່ທິດທາງທີ່ຖືກຕ້ອງ.
ທ່ານຫວາງຢີ້ກ່າວວ່າ, ພາຍໃຕ້ສະພາບການປະຈຸບັນ, ສອງຝ່າຍສາມາດແລກປ່ຽນຢ່າງຕັ້ງໜ້າຈາກບັນຫາງ່າຍສູ່ບັນຫາຫຍຸ້ງຍາກ, ເພື່ອສະສົມເຈດຕະນາດີໃຫ້ຫຼາຍຂຶ້ນ. ຈີນຫວັງວ່າອາເມຣິກາຈະປັບປຸງນະໂຍບາຍໂດຍໄວ, ປະຖິ້ມນະໂຍບາຍການເພີ່ມພາສີຢ່າງບໍ່ສົມເຫດສົມຜົນຕໍ່ຜະລິດຕະພັນຂອງຈີນ, ປະຖິ້ມນະໂຍບາຍການຂວ້ຳບາດແຕ່ຝ່າຍດຽວປະເພດຕ່າງໆທີ່ມີຕໍ່ວິສາຫະກິດ ສະຖາບັນຄົ້ນຄວ້າວິທະຍາສາດ ແລະສະຖາບັນການສຶກສາຂອງຈີນ, ປະຖິ້ມການຂົ່ມເຫັງຢ່າງໄຮ້ເຫດຜົນຕໍ່ຄວາມກ້າວໜ້າດ້ານວິທະຍາສາດເຕັກໂນໂລຊີຂອງຈີນ, ເພື່ອສ້າງເງື່ອນໄຂທີ່ຈຳເປັນໃຫ້ແກ່ການຮ່ວມມືຂອງສອງປະເທດ. ພ້ອມກັນນັ້ນ, ຫວັງວ່າອາເມຣິກາຈະຍົກເລີກຂໍ້ຈຳກັດຕ່າງໆສຳລັບອົງການຈັດຕັ້ງດ້ານການສຶກສາ ວັດທະນະທຳ ສື່ມວນຊົນ ວຽກງານຊາວຈີນຕ່າງດ້າວ ແລະອື່ນໆທີ່ເຄື່ອນໄຫວວຽກງານຢູ່ອາເມຣິກາ, ຍົກເລີກຂໍ້ຫ້າມຕໍ່ອົງການປົກຄອງທ້ອງຖິ່ນ ແລະ ວົງການຕ່າງໆຂອງອາເມຣິກາໃນການໄປມາຫາສູ່ກັນກັບຈີນ, ສົ່ງເສີມ ແລະ ສະໜັບສະໜູນໃຫ້ສອງປະເທດຟື້ນຟູໂຄງການແລກປ່ຽນດ້ານວັດທະນະທຳລະຫວ່າງສະຖາບັນການສຶກສາຊັ້ນສູງ ອົງການຄົ້ນຄວ້າ, ການແລກປ່ຽນນັກສຶກສາ ແລະອື່ນໆ. ຈີນຍິນດີກ້າວເດີນໄປໜ້າໃນທາງທິດດຽວກັນ, ໃຊ້ທ່າທີທີ່ເປີດກວ້າງເພື່ອສ້າງສະພາບແວດລ້ອມທີ່ດີໃຫ້ແກ່ການໄປມາຫາສູ່ກັນລະຫວ່າງປະຊາຊົນສອງຊາດ.
ຄຳເຫັນ
0