ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ແນໃສ່ກໍລະນີທີ່ເວັບໄຊຂ່າວອາເມຣິກາໄດ້ລາຍງານຂ່າວເພື່ອເຜີຍແບບົດລາຍງານກ່ຽວກັບເຂດຊິນຈ່ຽງຈີນຂອງລັດຖະບານອາເມຣິກາວ່າ ເປັນການເສກສັນປັ້ນແຕ່ງຂ່າວລື. ໃນເວລາຕອບຄຳຖາມຂອງນັກຂ່າວກ່ຽວກັບເລື່ອງນີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວຢືນຢັນໃນວັນທີ 22 ກຸມພານີ້ວ່າ: ການລາຍງານຂ່າວດັ່ງກ່າວຂອງສື່ມວນຊົນອາເມຣິກາໄດ້ສະແດງໃຫ້ເຫັນວ່າ ຄວາມຈິງດີກວ່າຄຳເວົ້າໃດໆ, ຊາວໂລກເອງຮູ້ດີວ່າອັນໃດຜິດອັນໃດຖືກ.
ທ່ານວ່າງເວີນປິ່ນກ່າວວ່າ: ພວກຂ້າພະເຈົ້າໄດ້ສັງເກດວ່າ “Grayzone”ເຊິ່ງເປັນເວັບໄຊຂ່າວອິດສະຫຼະຂອງອາເມຣິກາທີ່ໄດ້ລົງພິມບົດຄວາມໂດຍໄດ້ຍົກເອົາຂໍ້ມູນແລະເລື່ອງຈິງຈຳນວນຫຼວງຫຼາຍເພື່ອຊີ້ໃຫ້ເຫັນວ່າ ບົດລາຍງານຂອງທ້າວ ເອດຣຽນ ເຈັນສ ທີ່ໄດ້ນຳໃຊ້ຂໍ້ມູນບໍ່ຖືກຕ້ອງ, ບິດເບືອນຂໍ້ມູນ, ເສກສັນປັ້ນແຕ່ງເຫດການ, ໃຊ້ຂໍ້ມູນອ້າງອີງຢ່າງອັດຕະວິໄສແລະເນື້ອໃນຂອງບົດລາຍງານມີບ່ອນທີ່ບໍ່ສົມເຫດສົມຜົນ, ອັນໄດ້ເຜີຍແບໃຫ້ເຫັນເຖິງໃບໜ້າທີ່ແທ້ຈິງຂອງທ້າວ ເອດຣຽນ ເຈັນສ ທັງໄດ້ພິສູດໃຫ້ເຫັນວ່າ ຖ້ອຍຄຳທີ່ວ່າ “ລັດຖະບານຈີນໄດ້ປະຕິບັດມາດຕະການດັບສູນຊົນເຜົ່າສ່ວນໜ້ອຍຢູ່ຊິ່ນຈ່ຽງ” ນັ້ນເປັນຄຳຂີ້ຕົວະຫຼອກລວງແທ້ໆ.
ທ່ານວາງເວີນປິ່ນກ່າວຕື່ມວ່າ: ໃນໄລຍະໜຶ່ງຜ່ານມານີ້, ທ້າວ ເອດຣຽນ ເຈັນສ ພ້ອມກັບພວກອິດທິກຳລັງຕໍ່ຕ້ານຈີນຈຳນວນໜຶ່ງໃນສາກົນໄດ້ເສກສັນປັ້ນແຕ່ງຂ່າວລືແລະຄຳຂີ້ຕົວະຫຼອກລວງຍ້ອນມີຈຸດປະສົງທາງການເມືອງທີ່ບໍ່ດີ,ມີເຈດຕະນາຢາກນຳໃຊ້ຂ່າວປອມເພື່ອດຶງດູດຄວາມສົນໃຈຂອງຊາວໂລກ, ໃສ່ຮ້າຍປ້າຍສີຈີນ. ແຕ່ວ່າ ບໍ່ວ່າກົນອຸບາຍຂອງເຂົາເຈົ້າຈະປ່ຽນຮູບແບບໃໝ່ເລື້ອຍໆແນວໃດກໍຕາມ, ລ້ວນແຕ່ບໍ່ສາມາດຜ່ານການທົດສອບຈາກເລື່ອງຈິງໄດ້. ຕ້ອງມີມື້ໃດມື້ໜຶ່ງທີ່ການກະທຳໃສ່ຮ້າຍປ້າຍສີຈີນຕາມລຳພັງໃຈຂອງ ທ້າວ ເອດຣຽນ ເຈັນສ ແລະພວກອິດທິກຳລັງຕໍ່ຕ້ານຈີນນັ້ນຈະຕ້ອງຖືກສືບສວນຢ່າງເຖິງຖອງເພື່ອຄວາມເປັນທຳ.
ຄຳເຫັນ
0