ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ກຸມພານີ້, ທ່ານນາງທີ ຟີເຊີຣ ສະມາຊິກໃນໜ່ວຍງານຜູ້ຊ່ຽວຊານສາກົນເພື່ອຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19 ຂອງອົງການອະນາໄມໂລກ, ສາສະດາຈານມະຫາວິທະຍາໄລໂກເປັນຮາກປະເທດດານມາກໄດ້ໃຫ້ສຳພາດຕໍ່ໜັງສືພິມການເມືອງດານມາກ ໂດຍໄດ້ຕຳໜິສື່ມວນຊົນຕາເວັນຕົກບາງແຫ່ງທີ່ບິດເບືອນການເດີນທາງຂອງໜ່ວຍງານຜູ້ຊ່ຽວຊາໄປນະຄອນອູຮັ້ນຈີນເພື່ອດຳເນີນການແລກປ່ຽນ ແລະການຮ່ວມມືຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19 ໃນເມື່ອບໍ່ດົນມານີ້. ທ່່ານກ່າວວ່າ: ການເດີນທາງເທື່ອນີ້ໄດ້ບັນລຸໝາກຜົນຫຼາຍກວ່າທີ່ຄາດຫວັງໄດ້.
ທ່ານນາງຟີເຊີຣໄດ້ຕຳໜິການລາຍງານຂ່າວຂອງສື່ມວນຊົນປະເທດຕາເວັນຕົກຕ່າງໆ ເຊັ່ນ: ໜັງສືພິມນີວຢອກທາມສຂອງອາເມຣິກາ ແລະອື່ນໆທີ່ວ່າ “ບໍ່ສາມາດເກັບກຳຂໍ້ມູນດັ້ງເດີມຢູ່ນະຄອນອູຮັ້ນໄດ້”. ທ່ານກ່າວວ່າ: ການເດີນທາງເທື່ອນີ້ໄດ້ບັນລຸໝາກຜົນຫຼາຍກວ່າທີ່ຄາດຫວັງໄວ້ໃນຫຼາຍດ້ານ. ຈີນໄດ້ກະກຽມຢ່າງພຽງພໍ ແລະໄດ້ສະໜອງຂໍ້ມູນຢ່າງຫຼວງຫຼາຍ, ໜ່ວຍງານຜູ້ຊ່ຽວຊານໄດ້ປຶກສາຫາລືອີງຕາມຂໍ້ມູນ ແລະເອກະສານເຫຼົ່ານັ້ນ.
ທ່ານນາງກ່າວຕື່ມວ່າ: ໜ່ວຍງານຜູ້ຊ່ຽວຊານສາກົນໄດ້ຮ່ວມກັບຜູ້ຊ່ຽວຊານຈີນປຶກສາຫາລືວາລະທີ່ສຳຄັນ, ເຄົາລົບທັດສະນະ ແລະຄວາມສາມາດຂອງທັງສອງຝ່າຍ, ໄດ້ບັນລຸໝາກຜົນທີ່ສຳຄັນໃນເວລາສັ້ນ ເຊິ່ງເປັນບາດກ້າວທຳອິດທີ່ສຳຄັນໃນການເດີນທາງໄກ ແຕ່ເປັນການເລີ່ມຕົ້ນທີ່ດີ.
ຄຳເຫັນ
0